କଟକ: ଦିନେ ନୁହେଁ ଦୁଇ ଦିନ ନୁହେଁ, ରାଜ୍ୟରେ ଦୈନିକ ଭାବେ ଭାଙ୍ଗି ଚାଲିଛି ତାଲାବନ୍ଦ ନିୟମ । ଏମିତିରେ ରାଜ୍ୟରେ ଲକଡାଉନ ଲାଗୁ ହେବା ଦିନଠୁ ନେଇ ଆଜି ପର୍ଯ୍ୟନ୍ତ ନିୟମ ଉଲଙ୍ଘନ ଅଭିଯୋଗରେ ବିଭିନ୍ନ ଥାନାରେ 7245 ମାମଲା ରୁଜୁ ହୋଇଥିବା ଜଣାପଡିଛି । ଏନେଇ ସୂଚନା ଦେଇଛି ରାଜ୍ୟ ପୋଲିସ ମୁଖ୍ୟାଳୟ ।
ତେବେ ସୂଚନା ମୁତାବକ ଗତ 24 ଘଣ୍ଟା ମଧ୍ୟରେ ରାଜ୍ୟର ବିଭିନ୍ନ ଥାନାରେ 21ଟି ମାମଲା ରୁଜୁ ହୋଇଛି । ଯେଉଁଥିରୁ 17ଟି ମାମଲା ତାଲାବନ୍ଦ ନିୟମ ଉଲଙ୍ଘନ ଅଭିଯୋଗରେ ରୁଜୁ ହୋଇଥିବା ଜଣା ପଡିଛି । ଏଥିସହ ଗୋଟିଏ ମାମଲା ହୋମ କ୍ବାରେଣ୍ଟାଇନ ନିୟମ ଉଲଙ୍ଘନ ଅଭିଯୋଗରେ ରୁଜୁ ହୋଇଥିବା ଜଣା ପଡିଛି । ଏହା ବ୍ୟତୀତ ବଳକା 3ଟି ମାମଲା ଅନ୍ୟାନ୍ୟ କାରଣ ପାଇଁ ରୁଜୁ ହୋଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
