କଟକ: ବଜାରରୁ ସର୍ଫ ଏକ୍ସଏଲ କିଣୁଛନ୍ତି କି? ଯଦି କିଣୁଛନ୍ତି, ତେବେ ସାବଧାନ ହୋଇଯାଆନ୍ତୁ, କାହିଁକିନା ବଜାରରେ ମିଳୁଛି ନକଲି ସର୍ଫ ଏକ୍ସଏଲ । ଯାହା ଅବିକଳ ବ୍ରାଣ୍ଡ ପରି ଦେଖାଯାଉଛି । ହେଲେ ପ୍ୟାକେଟ ମଧ୍ୟରେ ରହିଛି ନକଲି ସମଗ୍ରୀ । ଯାହାର ଆଜି ପର୍ଦ୍ଦାଫାଶ କରିଛି କମିଶନରେଟ ପୋଲିସ ।
Surf Excel କିଣୁଥିଲେ ସାବଧାନ , ଆସିଛି ନକଲି ବ୍ରାଣ୍ଡ
କଟକ ମାଲଗୋଦାମ ଅଞ୍ଚଳର ଏକ ଅଟୋରୁ ଏହି ନକଲି ସର୍ଫ ଏକ୍ସଏଲର ରୋଲ ଜବତ ହେବା ପରେ ଆରମ୍ଭ ହୋଇଥିଲା ପୋଲିସର ତଦନ୍ତ । ପ୍ରଥମେ ଟାଙ୍ଗି ପରେ ସଦର ଖଣ୍ଡେଇତା ଓ ଶେଷରେ ମାହାଙ୍ଗାର ଉମର ବୋଲି ଏକ ଗାଁରେ ଏହି ନକଲି ଡିଟରଜେଣ୍ଟ ତିଆରି ହେଉଥିବା ଖବର ପାଇଥିଲା ପୋଲିସ । ଆଉ ସଙ୍ଗେ ସଙ୍ଗେ ଚଢ଼ାଉ ମଧ୍ୟ କରିଥିଲା ।
ଚଢ଼ାଉ ସମୟରେ ନକଲି 1540 କେଜି ପ୍ୟାକେଟ ସର୍ଫ ଏକ୍ସଏଲ ଓ 1800 ଖୋଲା ଗୁଣ୍ଡ ଜବତ କରିଛି ପୋଲିସ । ତେବେ ଜବତ ହୋଇଥିବା ନକଲି ସାମଗ୍ରୀର ଆନୁମାନିକ ମୂଲ୍ୟ ସ୍ପଷ୍ଟ ହୋଇନଥିବା ବେଳେ ଏହି ମାମଲାରେ ଜଣଙ୍କୁ ଅଟକ ରଖିଛି ମାଲଗୋଦାମ ଥାନା ପୋଲିସ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
