କଟକ: ବଗଲା ଧର୍ମଶାଳା, ହୋଟେଲ ଲଜକୁ ଦିଆଯିବା ନେଇ ରାଜ୍ୟ ସରକାରଙ୍କ ହାଇକୋର୍ଟର ନୋଟିସ । ଆବେଦନକାରୀ ଜଗନ୍ନାଥ ବସ୍ତିଆଙ୍କ ପକ୍ଷରୁ ରୁଜୁ ମାମଲାର ଶୁଣାଣି କରି ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ କେ.ଏସ.ଜାଭେରୀ ଓ ବିଚାରପତି ଜଷ୍ଟିସ କେଆର ମହାପାତ୍ରଙ୍କୁ ନେଇ ଗଠିତ ଖଣ୍ଡପୀଠ ରାଜ୍ୟ ସରକାରଙ୍କୁ ନୋଟିସ ଜାରି କରିଛନ୍ତି । ଏହାସହ ସତ୍ୟପାଠ ମାଧ୍ୟମରେ ଜବାବ ଦାଖଲ କରିବାକୁ କହିଛନ୍ତି ।
ପୁରୀର ବଗଲା ଧର୍ମଶାଳାକୁ ହୋଟେଲ ଓ ଲଜ ଉଦ୍ଦେଶ୍ୟରେ ଦିଆଯିବା ଘଟଣାକୁ ଆବେଦନକାରୀ ଦୃଢ଼ ବିରୋଧ କରିଥିଲେ । ଏନେଇ ସେ କର୍ତ୍ତୃପକ୍ଷଙ୍କୁ ମଧ୍ୟ ଅବଗତ କରାଇଥିଲେ । ଏଥିରେ ଦର୍ଶାଯାଇଥିଲା ଯେ ନିକଟରେ ଶ୍ରୀମନ୍ଦିର ସଂସ୍କାର ମାମଲାରେ ସର୍ବୋଚ୍ଚ ଅଦାଲତ ପୁରୀରେ ୬୦ ହଜାର ଭକ୍ତଙ୍କର ରହିବା ପାଇଁ ବନ୍ଦୋବସ୍ତ କରିବାକୁ ନିର୍ଦ୍ଦେଶ ଥିଲା ।
ହେଲେ ରାଜ୍ୟ ସରକାର ଏହା ନକରି ଧର୍ମଶାଳାକୁ ବିଭିନ୍ନ ହୋଟେଲ ଓ ଲଜ ଉଦ୍ଦେଶ୍ୟରେ ଦେଇ ଦେଇଛନ୍ତି । ଆବେଦନକାରୀଙ୍କ ପକ୍ଷରୁ ରୁଜୁ ମାମଲାରେ ସେ ରାଜ୍ୟ ସରକାରଙ୍କ ମୁଖ୍ୟ ଶାସନ ସଚିବ, ଶ୍ରୀ ମନ୍ଦିର ପ୍ରଶାସକ ପ୍ରମୁଖଙ୍କୁ ପକ୍ଷଭୁକ୍ତ କରିଛନ୍ତି ।
କଟକରୁ ନାରାୟଣ ସାହୁ,ଇଟିଭି ଭାରତ
