କଟକ: ରାଜ୍ୟର ୧୬୧ଟି ବାର ଆସୋସିଏସନର ପ୍ରତିନିଧିଙ୍କ ସହିତ ହାଇକୋର୍ଟ ମୁଖ୍ୟ ବିଚାରପତି ଓ ଅନ୍ୟ ବିଚାରପତି ମାନେ ଭିସି ଜରିଆରେ ଆଲୋଚନା କରିଛନ୍ତି । ତେବେ ଲୋକମାନଙ୍କୁ ନ୍ୟାୟ ପ୍ରଦାନ ଦିଗରେ କିଭଳି ଅଧିକ କ୍ରିୟାଶୀଳ କରାଯାଇପାରିବ ସେନେଇ ଆଲୋଚନା କରାଯାଇଥିଲା ।
କୋରୋନା ମହାମାରୀ ଭଳି ସ୍ଥିତି, ବାର ଆସୋସିଏସନର କାର୍ଯ୍ୟ ବନ୍ଦ ଆନ୍ଦୋଳନ, ପୁରୁଣା ମାମଲା ଗୁଡିକର ତ୍ବରିତ ଶୁଣାଣି ଏବଂ ବିଭିନ୍ନ ଅଦାଲତର କାର୍ଯ୍ୟ କରିବାର ପରିବେଶ ଉପରେ ମଧ୍ୟ ଆଲୋଚନା ହୋଇଛି । ସେପଟେ ବିଚାର ବ୍ୟବସ୍ଥାକୁ ମଜଭୁତ କରିବାକୁ ହେଲେ ବାର ଗୁଡିକୁ ସର୍ବୋତ୍ତମ ପ୍ରଦର୍ଶନ କରିବାକୁ ପଡିବ । ତା ସହିତ ବାର ମଜଭୁତ ହେଲେ ବେଞ୍ଚ ମଧ୍ୟ ମଜଭୁତ ହେବ ବୋଲି ମୁଖ୍ୟ ବିଚାରପତି ଜଷ୍ଟିସ ଏସ୍ ମୁରଲୀଧର କହିଛନ୍ତି ।
ତେବେ ଆଜିର ଏହି ଭିଡିଓ କନଫରେନସିଂ କାର୍ଯ୍ୟକ୍ରମରେ ୪ ଶହରୁ ଉର୍ଦ୍ଧ୍ବ ଆଇନଜୀବୀ ସମେତ ସମସ୍ତ ଜିଲ୍ଲାର ଜଜ୍ ମଧ୍ୟ ଯୋଗଦେଇଥିଲେ । ଆଉ ଶେଷରେ କୋଭିଡ ଯୋଗୁଁ ମୃତ୍ୟୁ ବରଣ କରିଥିବା ଆଇନଜୀବୀଙ୍କ ଉଦ୍ଦେଶ୍ୟରେ ଦୁଃଖ ପ୍ରକାଶ କରିଥିଲେ ।
କଟକରୁ ନାରାୟଣ ସାହୁ, ଇଟିଭି ଭାରତ
