କଟକ: କଟକ ମହାନଗର ନିଗମ 58 ନଂ ୱାର୍ଡ ଅନ୍ତର୍ଗତ ଗୋପାଳ ସାହି ଓ ପ୍ରତାପ ନଗରୀ ଅଞ୍ଚଳରେ କ୍ରମାଗତ ଭାବେ ଚିହ୍ନଟ ହୋଇଛନ୍ତି 9 କୋରୋନା ଆକ୍ରାନ୍ତ । ଏତେ ସଂଖ୍ୟକ ଆକ୍ରାନ୍ତ ଚିହ୍ନଟ ହେବା କାରଣରୁ ସମ୍ପୃକ୍ତ ଅଞ୍ଚଳ ଦ୍ବୟକୁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରିଛି ସିଏମସି । ଏହି ଦୁଇ ଅଞ୍ଚଳରେ ବର୍ତ୍ତମାନ ପ୍ରବେଶ ଉପରେ କଟକଣା ଜାରି କରାଯିବା ସହ ସମ୍ପୃକ୍ତ ଅଞ୍ଚଳର ବାସିନ୍ଦା ବାହାରକୁ ଯାଇପାରିବେ ନାହିଁ ବୋଲି ସିଏମସି ସ୍ପଷ୍ଟ କରିଛି ।
ସେହିପରି ସମ୍ପୃକ୍ତ ଅଞ୍ଚଳରେ ଥିବା ସରକାରୀ ଓ ବେସରକାରୀ କାର୍ଯ୍ୟାଳୟଗୁଡିକୁ ବନ୍ଦ ରଖିବା ପାଇଁ ନିର୍ଦ୍ଦେଶ ଦିଆଯାଇଛି । ସମସ୍ତ ଅତ୍ୟାବଶ୍ୟକୀୟ ସାମଗ୍ରୀ ଅଞ୍ଚଳବାସୀଙ୍କୁ ଯୋଗାଇ ଦିଆଯିବା ପାଇଁ ସରକାରୀ କର୍ମଚାରୀଙ୍କୁ ନିୟୋଜିତ କରାଯାଇଥିବା ନେଇ ସୂଚନା ରହିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
