କଟକ: ଜିଲ୍ଲାର ବିଜୁ ପଟ୍ଟନାୟକ ଛକରେ ଘଟିଛି ଅଗ୍ନିକାଣ୍ଡ । ଫଳରେ ନିକଟରେ ଥିବା ଏକ ମାର୍କେଟ କମ୍ପ୍ଲେକ୍ସର ୫ଟି ଘରେ ନିଆଁ ଲାଗିଯାଇଛି । ବର୍ତ୍ତମାନ କୌଣସି ଧନ ଜୀବନ ହାନି ସମ୍ପର୍କରେ ସୂଚନା ମିଳିନାହିଁ ।
ବିଜୁ ପଟ୍ଟନାୟକ ଛକ ନିକଟରେ ଅଗ୍ନିକାଣ୍ଡ, ଜଳିଗଲା ୫ ଦୋକାନ
ଅଗ୍ନିଶମ ବିଭାଗ ପକ୍ଷରୁ ନିଆଁକୁ ଆୟତ୍ତ କରିବାକୁ ଉଦ୍ୟମ ଜାରି ରହିଛି । ସଟସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି । ଘଟଣାସ୍ଥଳେ ପୋଲିସ ଓ ଅଗ୍ନିଶମ ବାହିନୀ ମୁତୟନ ରହିଛନ୍ତି । ନିଆଁ ଲିଭା କାର୍ଯ୍ୟ ଜାରି ରଖିଛନ୍ତି ଅଗ୍ନିଶମ କର୍ମଚାରୀ । ନିଆଁ ଲାଗିବା ପରେ ଘଟଣାସ୍ଥଳରେ ଲୋକଙ୍କ ଭିଡ଼ ଜମିଥିବା ମଧ୍ୟ ଦେଖିବାକୁ ମିଳିଥିଲା ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
