କଟକ: ଦୀର୍ଘ ଦିନ ହେବ ସିଲଭିର ସିଟିରେ ଚାଲିଆସୁଥିଲା ନକଲି ସିମେଣ୍ଟ କାରଖାନା । ଏନେଇ ଖବର ପାଇବା ପରେ ଟାଙ୍ଗୀ ଥାନା ଅନ୍ତର୍ଗତ ମଙ୍ଗୁଳି ଛକ ବାଲାଜୀ ଡିପୋ ପାଖରେ ଏକ ବନ୍ଦ କୋଠରୀରେ ଚାଲିଥିବା ଏହି ନକଲି କାରଖାନା ଠାବ କରିଛି ପୋଲିସ ।
ସୂଚନା ଅନୁଯାୟୀ ଅନେକ ଦିନ ହେବ ଏହି କାରଖାନାରେ ନକଲି ସିମେଣ୍ଟ ପ୍ରସ୍ତୁତ କରାଯାଇ ରାଜ୍ୟ ସାରା ପଠାଯାଉଥିଲା । ଏନେଇ ରବିବାର ଖବର ପାଇ ଟାଙ୍ଗୀ ପୋଲିସ ବିଭିନ୍ନ ସ୍ଥାନରେ ଚଢାଉ କରିଥିଲା । ଯେଉଁଥିରେ ଗୋଟିଏ ବନ୍ଦ କୋଠରୀ ଭିତରେ ଚାଲିଥିବା ନକଲି ସିମେଣ୍ଟ କାରଖାନା ଠାବ ହୋଇଥିଲା ।
ସିଲଭର ସିଟିରେ ନକଲି ସିମେଣ୍ଟ କାରଖାନା ଠାବ
ନକଲି କାରଖାନା ଠାବ କରିବା ସହ ପୋଲିସ ସିମେଣ୍ଟ ପ୍ରସ୍ତୁତିରେ ବ୍ୟବହୃତ ବିଭିନ୍ନ ସରଞ୍ଜାମ, ବିଭିନ୍ନ କମ୍ପାନୀର ଜରି ଖୋଳ ଓ କାହାଳୀ ଆଦି ମଧ୍ୟ ଜବତ କରିଛି । ତେବେ ବର୍ତ୍ତମାନ ସୁଦ୍ଧା ସମ୍ପୃକ୍ତ ଅଞ୍ଚଳରେ ପଚରାଉଚରା ଜାରି ରହିଥିବା ଜଣାପଡିଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
