କଟକ: ଆଜିଠୁ ହାଇକୋର୍ଟର ଦଶହରା ଅବକାଶ ଆରମ୍ଭ ହୋଇଛି । ନଭେମ୍ବର 2 ତାରିଖରେ କୋର୍ଟ ଖୋଲିବ ବୋଲି ଜଣାପଡିଛି ।
ଏହି ସମୟ ମଧ୍ୟରେ ଆସନ୍ତା 28 ତାରିଖରେ ଗୋଟିଏ ଦିନ ଅବକାଶ ଅଦାଲତ ବସିବ । ଜଷ୍ଟିସ ଏସ.କେ.ମିଶ୍ର ଏବଂ ଜଷ୍ଟିସ ବି.ପି ରାଉତରାୟଙ୍କୁ ନେଇ ଗଠିତ ଖଣ୍ଡପୀଠରେ ବିଭିନ୍ନ ଜରୁରୀକାଳୀନ ମାମଲାର ଶୁଣାଣି ହେବ ।
ସେହିପରି ଜଷ୍ଟିସ ସଙ୍ଗମ କୁମାର ସାହୁ ଏବଂ ଜଷ୍ଟିସ କେ.ଆର .ମହାପାତ୍ର ଭିନ୍ନ ଭିନ୍ନ ଖଣ୍ଡପୀଠରେ ବିଭିନ୍ନ ମାମଲାର ଶୁଣାଣି କରିବେ । ଦୁର୍ଗାପୂଜା ଅବକାଶ ସମୟରେ 27,28 ଏବଂ 29 ତାରିଖରେ ହାଇକୋର୍ଟ କାର୍ଯ୍ୟାଳୟ ଦିନ 11 ଟାରୁ 3 ଟା ପର୍ଯ୍ୟନ୍ତ ଖୋଲା ରହିବ ।
କାର୍ଯ୍ୟ ଦିବସରେ ଦିନ 11 ଟାରୁ 12 ଟା ମଧ୍ୟରେ ନୂଆ ମାମଲା ପଞ୍ଜିକରଣ କରାଯାଇପାରିବ ବୋଲି ହାଇକୋର୍ଟ ରେଜିଷ୍ଟ୍ରାରଙ୍କ ପକ୍ଷରୁ ପ୍ରକାଶିତ ବିଜ୍ଞପ୍ତିରେ କୁହାଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
