କଟକ: ମୌସୁମୀ ପୂର୍ବରୁ ଜିଲ୍ଲା ପ୍ରଶାସନକୁ ଘାରିଲା ବିପର୍ଯ୍ୟୟ ପରିଚାଳନା ଚିନ୍ତା । ମୌସୁମୀ ସମୟରେ କଟକ ଜିଲ୍ଲାରେ ହେଉଥିବା ବନ୍ୟା, ବାତ୍ୟା ତଥା ପ୍ରାକୃତିକ ବିପର୍ଯ୍ୟୟର ମୁକାବିଲା ନେଇ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଛି । ନଦୀବନ୍ଧ ସୃଦୁଢ଼ିକରଣ ସହ ବନ୍ୟା ସମୟରେ ଆବଶ୍ୟକ ହେଉଥିବା ଡ଼ଙ୍ଗା ଖାଦ୍ୟଶସ୍ୟ, ଔଷଧ ଭଳି ଅତ୍ୟାବଶ୍ୟକୀୟ ସାମଗ୍ରୀକୁ ମହଜୁଦ୍ କରିବା ପାଇଁ ବୈଠକରେ ନିଷ୍ପତି ହୋଇଛି ।
ମୌସୁମୀ ଆଗରୁ ଚେତିଲା ପ୍ରଶାସନ, ପ୍ରାକୃତିକ ବିପର୍ଯ୍ୟୟ ରୋକିବାକୁ ଅଣ୍ଟା ଭିଡ଼ିଲା
ବିଶେଷକରି ବାଙ୍କୀ, ଆଠଗଡ଼, ବଡ଼ମ୍ବା ଭଳି ବନ୍ୟା ପ୍ଲାବିତ ଅଞ୍ଚକ ଗୁଡିକ ଉପରେ ଅଧିକ ଫୋକସ କରାଯାଇଛି । ଏହି ବୈଠକରେ ବାଙ୍କୀ ବିଧାୟକ ଦେବୀରଞ୍ଜନ ତ୍ରିପାଠୀ, ଜିଲ୍ଲାପାଳ ଭବାନୀ ଶଙ୍କର ଚୟିନୀ ଓ ଅନ୍ୟାନ୍ୟ ବିଭାଗୀୟ ଅଧିକାରୀ ଉପସ୍ଥିତ ଥିଲେ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
