କଟକ: ରାଜ୍ୟରେ ଏବେ ଧିରେ ଧିରେ ନିୟନ୍ତ୍ରଣାଧିନ ହେବାରେ ଲାଗିଛି କୋରୋନା। କୋଭିଡର ଦ୍ବିତୀୟ ଲହର ଚିନ୍ତା ଥମିନଥିବା ବେଳେ ତୃତୀୟ ଲହରୀ ପାଇଁ ପ୍ରସ୍ତୁତି ଆରମ୍ଭ ହୋଇଗଲାଣି। ତେବେ ଏସସିବିରେ ବର୍ତ୍ତମାନ ୨୫୦ରୁ ଅଧିକ କୋରୋନା ରୋଗୀ ଚିକିତ୍ସିତ ହେଉଥିବା ବେଳେ ୧୦୦ ଜଣ ଗୁରୁତର ଭାବରେ ଆଇସିୟୁ (ICU)ରେ ଚିକିତ୍ସିତ ହେଉଛନ୍ତି।
ଏସସିବିରେ କୋଭିଡ ରୋଗୀଙ୍କ ସଂଖ୍ୟା କମିବା ସତ୍ତ୍ବେ ଫାଙ୍କା ହେଉନି ICU
ସେହିପରି ଏସସିବିରେ ୬୦୦ଟି ବେଡ଼ ରହିଥିବା ବେଳେ ଏବେ ଅଧିକାଂଶ ବେଡ଼ ଖାଲି ପଡ଼ିଛି । ମାତ୍ର ଆଇସିୟୁରେ ସମସ୍ତ ବେଡ଼ ଫୁଲ୍ ରହିଥିବା ନେଇ ଜରୁରୀକାଳୀନ ଅଧିକାରୀ ଡାକ୍ତର ଭୁବନାନନ୍ଦ ମହାରଣା ସୂଚନା ଦେଇଛନ୍ତି। କୋରୋନା କମିଲେ ବେଡ଼ ସଂଖ୍ୟା କମାଯିବ, ନିୟୋଜିତ ଡାକ୍ତର, ଷ୍ଟାଫ ଆଦିଙ୍କ ସଂଖ୍ୟା ମଧ୍ୟ କମାଯିବ। ସେହିପରି ତୃତୀୟ ଲହରୀର ଆଶଙ୍କା ଥିବାରୁ ଏସସିବିରେ ୬୦୦ ବେଡ଼ ପ୍ରସ୍ତୁତ ରଖାଯାଇଥିବା ନେଇ ଡାକ୍ତର ମହାରଣା କହିଛନ୍ତି।
କଟକରୁ ନାରାୟଣ ସାହୁ, ଇଟିଭି ଭାରତ
