କଟକ: ନାବାଳିକାଙ୍କୁ ଦୁଷ୍କର୍ମ କରିବା ମାମଲାରେ ଅଭିଯୁକ୍ତକୁ ଆଜୀବନ ଦଣ୍ଡାଦେଶ ଶୁଣାଇଲେ କଟକ ସ୍ବତନ୍ତ୍ର ପୋକ୍ସୋ କୋର୍ଟ । ପୀଡ଼ିତାଙ୍କୁ ୭ ଲକ୍ଷ ଟଙ୍କାର କ୍ଷତିପୂରଣ ଦେବା ପାଇଁ କୋର୍ଟ କହିଛନ୍ତି । ୧୧ ଜଣ ସାକ୍ଷ୍ୟ ପ୍ରମାଣ ଓ ୧୮ଟି ଡକ୍ୟୁମେଣ୍ଟ ଆଧାରରେ କୋର୍ଟ ନିର୍ଦ୍ଦେଶ ଦେଇଛନ୍ତି । ଅକ୍ଟୋବର ୩୦, ୨୦୧୯ ମସିହାରେ ଜଣେ ନାବାଳିକାଙ୍କୁ ଦୁଷ୍କର୍ମ କରି ଗର୍ଭବତୀ କରିଥିବା ମାମଲାର ବିଚାର କରି କୋର୍ଟ ରାୟ ଶୁଣାଇଛନ୍ତି ।
ଅଭିଯୁକ୍ତ ଖୋକନ ମାଇତି ପୂର୍ବ ମେଦିନୀପୁରରେ ହୋଇଥିବା ଜଣାପଡ଼ିଛି । ସେ ଟାଙ୍ଗୀ ଥାନା ଏକ ଭଡ଼ା ଘରେ ରହୁଥିବା ବେଳେ ଘର ଉପରେ ରହୁଥିବା ଜଣେ ନାବାଳିକାକୁ ଏକୁଟିଆ ଦେଖି ଦୁଷ୍କର୍ମ କରିଥିଲା । ବାରମ୍ବାର ଦୁଷ୍କର୍ମ କରି ତାକୁ ଗର୍ଭବତୀ କରିଥିଲା ଏବଂ କାହାକୁ ନକହିବା ପାଇଁ ଧମକ ମଧ୍ୟ ଦେଇଥିଲା । ଏପରିକି ଗର୍ଭନଷ୍ଟ କରିବା ପାଇଁ ପୀଡ଼ିତାଙ୍କୁ କୋଲକାତା ନେଇକି ଯାଇଥିଲା । ତେବେ ଏ ନେଇ ଥାନାରେ ଏତଲା ଦେବା ପରେ ପୋଲିସ ତଦନ୍ତ କରି କୋଲକାତା ଅଭିଯୁକ୍ତକୁ ଗିରଫ କରିଥିଲା ।
ଇଟିଭି ଭାରତ, କଟକ
