କଟକ: ଜୁନ୍ ୧୨ ତାରିଖରେ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯିବ ଟି-୨୦ ମ୍ୟାଚ୍ । ହାତରେ ଆଉ ୯ ଦିନ ସମୟ । ମ୍ୟାଚ୍ ପାଇଁ ପ୍ରସ୍ତୁତି ପ୍ରକ୍ରିୟା ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ବାରବାଟୀରେ ସମସ୍ତ ପ୍ରସ୍ତୁତିର ସମୀକ୍ଷା କରିଛନ୍ତି କଟକ ଜିଲ୍ଲାପାଳ, ଆରଡିସି ଓ ସିଡିଏ ଅଧ୍ୟକ୍ଷ ।
ପିଚ, ଲାଇଟ, ଗ୍ରାଉଣ୍ଡ, ଗ୍ୟାଲେରୀ, ଏପରିକି ପାର୍କିଂ ସେଣ୍ଟରକୁ ତଦାରଖ କରିଛି ଜିଲ୍ଲା ପ୍ରଶାସନ । ଯୁଦ୍ଧକାଳୀନ ଭିତ୍ତିରେ ଓସିଏ ଏକ ଅନ୍ତର୍ଜାତୀୟ ମ୍ୟାଚ୍ ପାଇଁ ପ୍ରସ୍ତୁତି କରୁଛି । ସମସ୍ତ ପ୍ରସ୍ତୁତି ବେଶ୍ ଉଚ୍ଚ କୋଟିର ବୋଲି ସରକାରୀ ଅଧିକାରୀ ମତ ଦେଇଛନ୍ତି । ସମସ୍ତ କାର୍ଯ୍ୟ ଏକପ୍ରକାର ଶେଷ ହୋଇ ଆସିଲାଣି । ନିର୍ଦ୍ଧାରିତ ସମୟ ପୂର୍ବରୁ ସବୁ କାମ ଶେଷ କରିବାକୁ ଲକ୍ଷ୍ୟ ରଖିଛି ଜିଲ୍ଲା ପ୍ରଶାସନ ।
ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଦ୍ବିତୀୟ ଟି-୨୦ ମ୍ୟାଚ୍ ବାରବାଟୀରେ ଖେଳାଯିବ । ପ୍ରଥମ ମ୍ୟାଚ୍ ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଖେଳାଯିବ । ମୋଟ ଭାରତ ବିପକ୍ଷରେ ମୋଟ ୫ଟି ଟି-୨୦ ମ୍ୟାଚ୍ ଖେଳିବ ଦକ୍ଷିଣ ଆଫ୍ରିକା । ଏହି ସିରିଜ୍ ପାଇଁ ଆଜି ଦିଲ୍ଲୀରେ ପହଞ୍ଚିଛି ଦକ୍ଷିଣ ଆଫ୍ରିକା ଦଳ ।
