Cyber Crime: ୨ ଗିରଫ, ୩୦୦ରୁ ଊର୍ଦ୍ଧ୍ବ ଆକ୍ଟିଭ ସିମ୍‌ ଜବତ

କଟକ ସାଇବର ଥାନା ପୋଲିସକୁ ମିଳିଲା ବଡ଼ ସଫଳତା । ସାଇବର ଅପରାଧୀଙ୍କ ଦୁଇ ସହଯୋଗୀଙ୍କୁ ଗିରଫ କରିଛି ପୋଲିସ । ଅଧିକ ପଢନ୍ତୁ

କଟକ: କଟକ ସାଇବର ଥାନା ପୋଲିସକୁ ମିଳିଲା ବଡ଼ ସଫଳତା । ସାଇବର ଅପରାଧୀଙ୍କ ଦୁଇ ସହଯୋଗୀଙ୍କୁ ଗିରଫ କରିଛି ପୋଲିସ । ଏହି ଦୁଇ ଅପରାଧୀ ସାଧାରଣ ଲୋକଙ୍କ ନାଁରେ ସିମ୍‌ ସଂଗ୍ରହ କରି ସାଇବର ଅପରାଧୀଙ୍କୁ ବିକ୍ରୟ କରିଥାଆନ୍ତି ।

ତେବେ ଏକ ସାଇବର ଅପରାଧର ତଦନ୍ତ କରି ସାଇବର ଥାନା ପୋଲିସ ଏହି ଦୁଇ ଜଣ ସିମ୍‌ ବ୍ୟବସାୟୀଙ୍କୁ ଗିରଫ କରିଛି ।ସେମାନଙ୍କ ନିକଟରୁ ୩ ଶହରୁ ଅଧିକ ଆକ୍ଟିଭ ସିମ୍‌, ୩ଟି ମୋବାଇଲ ଫୋନ ଜବତ କରିଛି ପୋଲିସ । ଏହି ଘଟଣାରେ ଖୁବଶୀଘ୍ର ଅନ୍ୟ ସହଯୋଗୀଙ୍କୁ ଗିରଫ କରାଯିବ ବୋଲି କଟକ ଡିସିପି କହିଛନ୍ତି ।

କଟକରୁ ନାରାୟଣ ସାହୁ, ଇଟିଭି ଭାରତ