କଟକ: ନିର୍ବାଚନ ପାଇଁ ଓସିଏରେ ସ୍ଥିତି ସରଗରମ । ଚୂଡାନ୍ତ ଭୋଟର ତାଲିକା ଆସିବା ପରେ ଏବେ ଚୂଡାନ୍ତ ପ୍ରାର୍ଥୀ ତାଲିକାକୁ ନେଇ ଚାଲିଛି ଆଲୋଚନା ପର୍ଯ୍ୟାଲୋଚନା । ତେବେ ଏହାରି ଭିତରେ ସମ୍ପାଦକ ପଦ ପାଇଁ ଆର୍ଶୀବାଦ ବେହେରାଙ୍କ ପୁଅ ସଞ୍ଜୟ ବେହେରାଙ୍କ ନାଁକୁ ନେଇ ଚର୍ଚ୍ଚା ଜୋର ଧରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ସେପଟେ ଯଦି ସମ୍ପାଦକ ପଦରେ ବିଜୟ ଲାଭ ହୁଏ, ତେବେ ପ୍ରଥମ କାର୍ଯ୍ୟ ଓଡିଶା କ୍ରିକେଟର ବିକାଶ ରହିବ ବୋଲି କହିଛନ୍ତି ସଞ୍ଜୟ । ଏହାସହ ଓଡିଶା କ୍ରିକେଟକୁ ଆଗାମୀ ଦିନରେ ବେଶ ମଜଭୁତ କରିବା ସହିତ ଓଡିଶାର ପ୍ରତିଭାବାନ ଖେଳାଳି ଇଣ୍ଡିଆ ଟିମ୍ରେ ସ୍ଥାନ ଦେବା ମୋର ଲକ୍ଷ୍ୟ ରହିବ ବୋଲି ସେ କହିଛନ୍ତି ।
ସେହିପରି ଷ୍ଟାଡିୟମ୍ର ବିକାଶ ଓ ଖେଳାଳିଙ୍କୁ ଭଲ ପ୍ରଶିକ୍ଷଣ ଦିଗରେ ମଧ୍ୟ ମୋର ପ୍ରାଥମିକତା ରହିବ ବୋଲି ସେ କହିଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
