କଟକ: କୋରୋନା ଭାଇରସ ବିପଦକୁ ଦୃଷ୍ଟିରେ ରଖି ଜାରି ରହିଛି କଟକଣା । ବିପଦକୁ ଟାଳିବା ପାଇଁ କଟକ ସ୍ଥିତ ରାଜ୍ୟ ଖାଉଟି ବିବାଦ ସମାଧାନ କମିଶନକୁ ବନ୍ଦ ଘୋଷଣା କରିଛନ୍ତି । ଏହାସହ ରାଜ୍ୟର ବିଭିନ୍ନ ଜିଲ୍ଲାରେ ଥିବା ଖାଉଟି ଅଦାଲତ ମାର୍ଚ୍ଚ 31 ଯାଏଁ ବନ୍ଦ ରହିବ । ଏନେଇ କମିଶନ କାର୍ଯ୍ୟାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।
ଆସନ୍ତା 31 ମାର୍ଚ୍ଚ ପର୍ଯ୍ୟନ୍ତ ଖାଉଟି କମିଶନରେ ସ୍ବାଭାବିକ କାର୍ଯ୍ୟ ହେବ ନାହିଁ । କିନ୍ତୁ କମିଶନଙ୍କ କାର୍ଯ୍ୟାଳୟ ଯଥା ସମ୍ଭବ କମ୍ କର୍ମଚାରୀଙ୍କୁ ନେଇ କାର୍ଯ୍ୟ କରିବେ। କେବଳ ଅତି ଜରୁରୀ ମାମଲା ଗୁଡିକ କମିଶନଙ୍କ ସଭାପତିଙ୍କ ନିକଟରେ ଉପସ୍ଥାପନା କରାଯିବ ।
କଟକରୁ ନାରାୟଣ ସାହୁ, ଇଟିଭି ଭାରତ
