କଟକ: ଭକ୍ତିମୟ ପରିବେଶରେ ପୁରି ଉଠୁଛି ସିଲଭରସିଟି । କାରଣ ଜଗତର ନାଥ ଜଗନ୍ନାଥ ଆଜି ଦେଉଳ ଛାଡି ଭକ୍ତକୁ ଦର୍ଶନ ଦେବା ପାଇଁ ବଡଦାଣ୍ଡକୁ ଓହ୍ଲାଇ ଆସିଛନ୍ତି । ଆଉ ଏଥିପାଇଁ ଭକ୍ତିମୟ ହୋଇଯାଇଛି ପୁରା ସହର । ସେହି ଜଗାକୁ ଦର୍ଶନ କରି ଟିକେ ତୁଳସୀ ପାଇବା ପାଇଁ ଲାଗିଛି ଜନ ସମୁଦ୍ର । ତେବେ କହିବାକୁ ଗଲେ ସିଲଭରସିଟିରେ ଖୁବ ଧୁମଧାମରେ ପାଳିତ ହୋଇଯାଇଛି ଘୋଷଯାତ୍ରା ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
କଟକର ପ୍ରମୁଖ ଚାନ୍ଦିନୀଚୌକ, ରାଣୀହାଟ, ଦୋଳମୁଣ୍ଡାଇ ଅଞ୍ଚଳରେ ବେଶ ଧୁମଧାମରେ ପାଳିତ ହେଉଛି ରଥଯାତ୍ରା । ଯାହାକୁ ନେଇ ବେଶ ଉତ୍ସାହିତ କଟକିଆ । ନୀତି କାର୍ଯ୍ୟ ଯଥା ବିଧି ପୂର୍ବକ ସମ୍ପୂର୍ଣ୍ଣ ହୋଇ ରଥରେ ବିଜେ ହୋଇସାରିଛନ୍ତି ବଡ଼ ଠାକୁର । ସେହି ଅପୂର୍ବ ଦୃଶ୍ୟକୁ ମନ ଭରି ବେଶ ଉପଭୋଗ କରିଛନ୍ତି କଟକବାସୀ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
