କଟକ: ହାତୀ ଉଦ୍ଧାର ବେଳେ ଅଘଟଣ । କଟକ ମୁଣ୍ଡଳୀ ବ୍ୟାରେଜ ନିକଟରେ ଉଦ୍ଧାର ସମୟରେ ସାମିଲ ହୋଇଥିବା ଓଡ୍ରାଫ ରବର ବୋଟ ନଦୀ ମଝିରେ ଓଲଟି ପଡିଛି । ଫଳରେ ଏଥିରେ ସାମିଲ ଥିବା କିଛି କର୍ମଚାରୀଙ୍କ ସମେତ ୨ ଗଣମାଧ୍ୟମ ପ୍ରତିନିଧି ଭାସି ଯାଇଥିବା ଦେଖିବାକୁ ମିଳିଛି । ତେବେ ସେମାନଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଛି । ସେପଟେ ଜଣେ ଓଡ୍ରାଫ କର୍ମଚାରୀ ବର୍ତ୍ତମାନ ପର୍ଯ୍ୟନ୍ତ ନିଖୋଜ ଥିବା ଜଣାପଡ଼ିଛି ।
ମହାନଦୀ ପାର ହେଉଥିବା ବେଳେ ହାତୀପଲରେ ଥିବା ୭ଟି ହାତୀ ଭାସିଯାଇଥିଲେ । ସେମାନଙ୍କ ମଧ୍ୟରୁ ୨ଟି ହାତୀ ମୁଣ୍ଡଳୀ ବ୍ରିଜ ନିକଟରେ ଲାଖି ରହିଥିବା ବେଳେ ଆଉ ୬ଟି ହାତୀ ମହାନଦୀରେ ଭାସି ଭାସି ଆଠଗଡ ରେଞ୍ଜର ନୂଆଶାସନ ଗାଁ ନିକଟରେ ଲାଗିଥିଲେ ।
ଏହା ବି ପଢନ୍ତୁ: ମହାନଦୀରେ ଭାସିଗଲେ ହାତୀପଲ, ମୁଣ୍ଡଳିରେ ଲାଖିଛନ୍ତି 2
ତେବେ ମୁଣ୍ଡଳି ବ୍ରିଜରେ ଲାଖିଥିବା ହାତୀଟିକୁ ଉଦ୍ଧାର କରିବା ପାଇଁ ଅଗ୍ନିଶମ ବିଭାଗ ସାହାଯ୍ୟରେ ଚେଷ୍ଟା କରୁଥିଲା ବନବିଭାଗ ଓ ଓଡ୍ରାଫ ରବର ବୋଟ । କିନ୍ତୁ ଉଦ୍ଧାର ବେଳେ ଘଟିଛି ଏହି ଅଘଟଣ ।
କଟକରୁ ନାରାୟଣ ସାହୁ, ଇଟିଭି ଭାରତ
