କଟକ: ଚାଷୀଙ୍କ ପାଇଁ ମୋଦି ସରକାର ଆର୍ଥିକ ସହାୟତା ପଠାଉଛନ୍ତି । ହେଲେ ରାଜ୍ୟ ସରକାର ଲୁଟୁଛନ୍ତି । ଏହି ନାରା ଦେଇ ବର୍ଷିଛି ବିଜେପି । ରାଜ୍ୟର କୃଷକଙ୍କ ବିକାଶ ହୋଇପାରୁନାହିଁ । ଅନ୍ନଦାତଙ୍କ ନ୍ୟାୟ ପାଇଁ ଲଢେଇ କରୁଛି ବିଜେପି । କୃଷକଙ୍କ ବିକାଶ ନାଁରେ ସେମାନଙ୍କ ସହିତ ପ୍ରତାରଣା କରଯାଉଥିବା କହିଛି ଭାରତୀୟ ଜନତା ପାର୍ଟି ।
ରାଜ୍ୟ ସରକାରଙ୍କ ଚାଷୀକୁଳ ପ୍ରତି ରାଜ୍ୟ ସରକାରଙ୍କ ବାରମ୍ବାର ପ୍ରତାରଣା ବିରୋଧରେ ଲଢେଇ କରୁଛି ଭାରତୀୟ ଜନତା ପାର୍ଟି । ରାଜ୍ୟରେ ଧାନମଣ୍ଡି ସମସ୍ୟା ଦେଖା ଦେଇଛି । ଫଳରେ ମଣ୍ଡିରେ ବସ୍ତାବସ୍ତା ଧାନ ଗଜା ହେବାରେ ଲାଗିଲାଣି । ଚାଷୀଙ୍କର ଏହି ସମସ୍ୟା ପ୍ରତି ସରକରାଙ୍କ ଦୃଷ୍ଟି ପଡୁନାହିଁ ।
ଟୋକନ ପାଇଥିବା ସମସ୍ତ ଚାଷୀଙ୍କ ଧାନ କିଣିବା, ଏମଏସପି ମିଳିବା ସହିତ କଟନୀ ଛଟନୀରୁ ମୁକ୍ତି ହେବାକୁ ସରକାର ପ୍ରତିଶ୍ରୁତି ଦେଇଥିଲେ । ଜୁନ 30 ତାରିଖ ସୁଦ୍ଧା ସମସ୍ତ ସସମ୍ୟାର ସମାଧାନ ପାଇଁ କହିଥିବା ପରେ ବି ତାହା ପୂରଣ ହୋଇପାରିନାହିଁ ।
ସରକାର ତାଙ୍କ ପ୍ରତିଶ୍ରୁତି ପୂରଣ ନ କରିଥିବାରୁ ଆନ୍ଦୋଳନ ଆରମ୍ଭ କରିଛି ବିଜେପି । ଗତକାଲି ଜାତୀୟ ରଜପଥ ଅବରୋଧ କରିଥିଲା ବେଳେ ଆଜି (ଶୁକ୍ରବାର) ଜିଲ୍ଲା ହେଡ କ୍ବାର୍ଟରରେ ବିକ୍ଷୋଭ ପ୍ରଦର୍ଶନ କରିଛି ବିଜେପି । ଆଗକୁ ସମସ୍ୟାର ସମାଧାନ ନ ହେଲେ ଅନ୍ଦୋଳନ ଥମିବନି ବୋଲି କହିଛନ୍ତି ନଗର ବିଜେପି ସଭାପତି ଲଲାଟେନ୍ଦୁ ବଡୁ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
