କଟକ : ଆଜି ଠାରୁ ଆରମ୍ଭ ହୋଇଛି ଓଡିଶା ପୋଲିସର ସଵ-ଇନସପେକ୍ଟର (SI) ପଦବୀ ପାଇଁ ଆବେଦନ ପ୍ରକ୍ରିୟା। ଅନଲାଇନରେ ଏହି ଆବେଦନ ପ୍ରକ୍ରିୟା ଆରମ୍ଭ ହୋଇଛି । ୪୭୭ଟି SI ପଦବୀ ପାଇଁ ଆଜି ୨୮୩୧ ଜଣ ଆବେଦନକାରୀ ଅନଲାଇନ ମାଧ୍ୟମରେ ଆବେଦନ କରିଛନ୍ତି । ଏହି ପ୍ରକ୍ରିୟା ଆସନ୍ତା ଜୁଲାଇ ୧୫ ପର୍ଯ୍ୟନ୍ତ ଜାରି ରହିବ ।
ଓଡ଼ିଶା ପୋଲିସରେ ଏସଆଇ ପାଇଁ 447 ପଦବୀ ପାଇଁ ବିଜ୍ଞପ୍ତି ପ୍ରକାଶ ପାଇଛି। ଓଡ଼ିଶା ପୋଲିସ ପକ୍ଷରୁ ଏହି ନିଯୁକ୍ତି ପ୍ରକ୍ରିୟା କରାଯିବ। ଆଶାୟୀ ପ୍ରାର୍ଥୀ ଅନଲାଇନରେ ଆବେଦନ କରିପାରିବେ । ଆଜି ଅର୍ଥାତ 22 ଜୁନରୁ ଏହି ଆବେଦନ ପ୍ରକ୍ରିୟା ଆରମ୍ଭ ହୋଇଥିବାବେଳେ 15 ଜୁଲାଇରେ ଶେଷ ହେବ। ଏହି ନିଯୁକ୍ତି ପ୍ରକ୍ରିୟାରେ କିନ୍ନରମାନେ ମଧ୍ୟ ଆବେଦନ କରିପାରିବେ । ତେବେ ଏସଆଇ ନିଯୁକ୍ତି ଦେବାରେ ଓଡ଼ିଶା ହେଉଛି ଦ୍ୱିତୀୟ ରାଜ୍ୟ । ତେବେ ଗତ 12 ଘଣ୍ଟା ମଧ୍ୟରେ ଅନଲାଇନ ମାଧ୍ୟମରେ 2831 ଜଣ ଆବେଦନ କରିଥିବାବେଳେ ଏବେ ସୁଦ୍ଧା 772 ଜଣଙ୍କ ଆବେଦନ ଦାଖଲ ହୋଇଛି । ପ୍ରଥମ ଥର ପାଇଁ କମ୍ପ୍ୟୁଟର ବେସ ଟେଷ୍ଟ କରାଯିବ। ଏହି ପରୀକ୍ଷାରେ ସ୍ୱଚ୍ଛତା ଆଣିବା ପାଇଁ ସମସ୍ତ ପ୍ରକାର ପଦକ୍ଷେପ ନିଆଯାଇଥିବା ସହ ସମୟ ସୀମା ମଧ୍ୟରେ ଏହି ପରୀକ୍ଷା ଶେଷ କରାଯିବ ବୋଲି ସେ କହିଛନ୍ତି କ୍ରାଇମବ୍ରାଞ୍ଚ ଏଡିଜି ।
କଟକରୁ ନାରାୟଣ ସାହୁ, ଇଟିଭି ଭାରତ
