କଟକ: ମାହାଙ୍ଗା ଥାନା ଆନନ୍ଦପୁର ଗାଁର ପୋଖରୀରୁ ମୃତଦେହ ଉଦ୍ଧାର । ମୃତଦେହଟି ଜଣେ କ୍ଷୀର ବେପାରୀଙ୍କର ବୋଲି ଜଣାପଡିଛି ।ମୃତକ ଜଣକ ଶୁକ୍ରବାର ରାତ୍ରିରୁ ନିଖୋଜ ଥିଲେ । ବହୁ ଖୋଜାଖୋଜି ପରେ ଶନିବାର ତାଙ୍କ ମୃତଦେହ ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିଥିବା ଜଣାପଡିଛି । ସବୁଦିନ ଭଳି କୁମୁଡା ଯଇପୁର ପୋଲ ପାଖରେ ଛେନା ବିକ୍ରିକରି ଘରକୁ ଫେରନ୍ତି ରାମଚନ୍ଦ୍ର ବେହେରା l କିନ୍ତୁ ଶୁକ୍ରବାର ରାତିରୁ ନିଖୋଜ ଥିବା ହେତୁ ପରିବାର ଲୋକେ ମାହାଙ୍ଗା ଥାନାରେ ଏତେଲା ଦାୟର ଦେଇଥିଲେ ।
ସମସ୍ତ ଖୋଜାଖୋଜି ପରେ ପ୍ରହରାଜପୁର ଗ୍ରାମର ଏକ ସରକାରୀ ପୋଖରୀ ନିକଟରେ ସାଇକେଲ ଓ ଚପଲ ଦେଖି ଦମକଳ ବାହିନୀ ତାଙ୍କୁ ଖୋଜିବା ପାଇଁ ଚେଷ୍ଟା କରିଥିଲା । ହେଲେ ସବୁ ଉଦ୍ୟମ ଫେଲ ମାରିଲା । କିନ୍ତୁ ଆଜି ସକାଳୁ ସେହି ପୋଖରୀ ଭିତରେ ରାମଙ୍କ ମୃତଦେହ ଭାସୁଥିବା ଦେଖିବାକୁ ମିଳିଥିଲା l
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
