କଟକ: ସିଲଭର ସିଟିରେ ସିରିଜ୍ ମର୍ଡର । 2 ଦିନରେ କଟକରେ 3 ହତ୍ୟା । ଟାର୍ଗେଟରେ ଶ୍ରମିକ । ହତ୍ୟାକାରୀର ସୁରାକ ପାଉନି ପୋଲିସ । ସମାନ ଷ୍ଟାଇଲରେ ମର୍ଡର କରି ଦୁର୍ବୃତ୍ତ ଫେରାର ହୋଇଯାଉଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ମଙ୍ଗଳବାର ରାଣୀହାଟ କେନାଲ ରୋଡ ନିକଟରେ ଶୋଇଥିବା ଅବସ୍ଥାରେ ଜଣେ ଶ୍ରମିକକୁ ହତ୍ୟା କରାଯାଇଥିଲା । ତେବେ 24 ଘଣ୍ଟା ନପୁରୁଣୁ ରାଣୀହାଟ ଓ ଓଏମପି ନିକଟରେ ଆଉ ଦୁଇ ଶ୍ରମିକଙ୍କ ହତ୍ୟା ହୋଇଥବା ଅଭିଯୋଗ ହୋଇଛି । ଯାହା ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି କରିଛି ।
ତେବେ କିଏ କରୁଛି ଏଭଳି କାଣ୍ଡ ? କାହିଁକି ଦିନ ମଜୁରିଆଙ୍କୁ କରାଯାଉଛି ଟାର୍ଗେଟ ? ହତ୍ୟାକାରୀ ଜଣେ ନା ଗୋଟିଏ ଗ୍ୟାଙ୍ଗ । ଏହାକୁ ନେଇ ଖୋଳତାଡ କରୁଛି କମିଶନରେଟ ପୋଲିସ । ହତ୍ୟାକାରୀକୁ ଧରିବା ପାଇଁ ଚଳାଇଛି ପ୍ରୟାସ । ସେପଟେ ଆଉ ଏପରି ଘଟଣା ଯେପରି ନଘଟେ ସେଥିଲାଗି ପାଟ୍ରୋଲିଂକୁ ଜୋରଦାର କରାଯାଇଛି ।
ତେବେ ଭାଇଚାରା ସହରରେ ଏପରି କାହିଁକି ଘଟୁଛି ତାକୁ ନେଇ ପ୍ରଶ୍ନ ଉଙ୍କି ମାରୁଛି ।
କଟକରୁ ନାରାୟଣ ସାହୁ, ଇଟିଭି ଭାରତ
