କଟକ: ଅଜଣା ଗାଡି ଧକ୍କାରେ 2 ମହିଳା ମୃତ । କଟକ ଜିଲ୍ଲା ବଡ଼ମ୍ବା ଥାନା ଅନ୍ତର୍ଗତ ରତାପାଟ ଠାରେ ରବିବାର ଏକ ଅଜଣା ଗାଡି ଧକ୍କାରେ 2 ଜଣ ମହିଳାଙ୍କ ମୃତ୍ୟୁ ଘଟିଛି । ମୃତ ୨ ମହିଳା ହେଉଛନ୍ତି ବଡ଼ମ୍ବା ରତାପାଟ ଗ୍ରାମର ସନାତନ ସାହୁଙ୍କ ପତ୍ନୀ ରଙ୍ଗବତୀ ସାହୁ (୫୫ବର୍ଷ) ଓ ଗୁଣ୍ଠୁ ନାୟକଙ୍କ ପତ୍ନୀ ତାରା ନାୟକ (୫୦ ବର୍ଷ) ।
ସୂଚନା ଅନୁଯାୟୀ, ରବିବାର ଭୋର ୪ଟା ସମୟରେ ରଙ୍ଗବତୀ ଏବଂ ତାରା ହାଡୁଆ ନାଳରୁ ଶୌଚ ହୋଇ ଫେରୁଥିଲେ । ଏହି ସମୟରେ ନରସିଂହପୁର ରାସ୍ତାରୁ କଟକ ଆଡକୁ ଯାଉଥିବା ଏକ ଅଜଣା ଗାଡି ସେମାନଙ୍କୁ ଧକ୍କା ଦେଇଥିଲା । ଯାହାଫଳରେ ଘଟଣାସ୍ଥଳରେ ହିଁ ଉଭୟଙ୍କ ମୃତ୍ୟୁ ଘଟିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଅନ୍ୟପଟେ ଏହାର ପ୍ରତିବାଦରେ କଟକ - ନରସିଂହପୁର ମୁଖ୍ୟ ରାସ୍ତା ଅବରୋଧ କରିଛନ୍ତି ସ୍ଥାନୀୟ ବାସିନ୍ଦା। ପୋଲିସ ଘଟଣା ସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲେ ମଧ୍ୟ ଆନ୍ଦୋଳନ ଜାରି ରହିଛି । ରାସ୍ତା ଅବରୋଧ ଫଳରେ ଶହ ଶହ ଗାଡି ରାଜରାସ୍ତାରେ ଅଟକି ରହିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
