କଟକ: କିଛି ଦିନର ନିରବତା ପରେ ସକ୍ରିୟ ହୋଇଉଠିଛନ୍ତି ଡି ବ୍ରଦର୍ସ ଗ୍ରୁପ । ପୁଣି ଚଳାଇଛନ୍ତି ଦାଦାଗିରି । ଦାଦାବଟି ଆଦାୟ ଅଭିଯୋଗରେ ଡି ବ୍ରଦର୍ସ ଗ୍ରୁପର ଦୁଇ ସହଯୋଗୀଙ୍କୁ ଗିରଫ କରିଛି ପୋଲିସ ।
କଟକରେ ସକ୍ରିୟ ଡି ବ୍ରଦର୍ସ ଗ୍ରୁପ, ଦାଦାବଟି ମାଗିବା ଅଭିଯୋଗରେ 2 ଗିରଫ
ଗଣ୍ଡରପୁର ଅମୀୟ ରଞ୍ଜନ ସ୍ବାଇଁ ନାମକ ଜଣେ ବ୍ୟକ୍ତି ଯାଗା କିଣି ଘର କରୁଥିବା ବେଳେ ଦୁଇ ଅଭିଯୁକ୍ତ ଭାରତ ଭୂଷଣ ସ୍ବାଇଁ ଏବଂ ଶିବୁ ପ୍ରସାଦ ଗୋଛି ବାରମ୍ବାର ତାଙ୍କୁ ଡି ବ୍ରଦର୍ସ ନାମରେ ବଟି ମାଗି ଆସୁଥିଲେ ଏବଂ ଧମକ ମଧ୍ୟ ଦେଉଥିଲେ । ଏନେଇ ଅମୀୟ ରଞ୍ଜନ ଚାଉଳିଆଗଞ୍ଜ ଥାନାରେ ଲିଖିତ ଅଭିଯୋଗ କରିବା ପରେ ଘଟଣା ସାମ୍ନାକୁ ଆସିଥିଲା । ପୋଲିସ ମାମଲାକୁ ଗୁରୁତର ସହ ନେଇ ଦୁଇଜଣଙ୍କୁ ଗିରଫ କରିଛି । ଏମାନଙ୍କ ନାମରେ ବହୁ ଅପରାଧିକ ମାମଲା ରହିଥିଲା କଟକ ଡିସିପି ପ୍ରତୀକ ସିଂହ କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
