କଟକ: ବଢ଼ିଲା ଡେଙ୍ଗୁ ଚିନ୍ତା । ସୋମବାର ଏସସିବି ଡେଙ୍ଗୁ ୱାର୍ଡରେ ୬୪ ଜଣ ଡେଙ୍ଗୁ ରୋଗୀ ଚିକିତ୍ସିତ ହେଉଥିବାବେଳେ ସେଥିରୁ ୬ ଜଣ ଡେଙ୍ଗୁ ରୋଗୀ ଆଇସିୟୁରେ ଚିକିତ୍ସିତ ହେଉଛନ୍ତି । ସେହିପରି ସୋମବାର ଏସସିବିରେ ୧୪୫ ଟି ରକ୍ତନମୂନା ପରୀକ୍ଷା କରାଯାଇ ଥିଲାବେଳେ ସେଥିରୁ ୩୩ଟି ରକ୍ତନମୂନା ପଜେଟିଭ ବାହାରିଛି।
ସେଥିରେ ଅଧିକାଂଶ କଟକ ସହରରୁ ଥିବା ଜଣାପଡ଼ିଛି । ତେବେ ୩୩ ପଜେଟିଭ ରକ୍ତ ନମୂନା ମଧ୍ୟରୁ କଟକରୁ ସର୍ବାଧିକ ୧୩ ଜଣ, ବାଲେଶ୍ଵରରୁ ୪ ଜଣ, ଭଦ୍ରକରୁ ୫, ଢେଙ୍କାନାଳରୁ ଜଣେ, ଜଗତସିଂହପୁରରୁ ୨ ଜଣ, ଯାଜପୁର, କେନ୍ଦ୍ରାପଡା ଓ ଖୋର୍ଦ୍ଧାରୁ ୨ ଜଣ ଡେଙ୍ଗୁରୋଗୀ ଚିହ୍ନଟ ହୋଇଥିବାବେଳେ କେଉଁଝର ଓ ମୟୁରଭଞ୍ଜରୁ ଜଣେ ଲେଖାଏଁ ଡେଙ୍ଗୁରୋଗୀ ଚିହ୍ନଟ ହୋଇଥିବା ଜଣାପଡିଛି ।
ସେହିପରି କଟକରେ ଯେଉଁ ୧୩ ଜଣ ଡେଙ୍ଗୁ ରୋଗୀ ଚିହ୍ନଟ କରାଯାଇଛି, ସେଥିରୁ କୁମ୍ଭରସାହିରୁ ୪ ଜଣ, ନରସିଂହପୁରରୁ ଜଣେ, ଜଗତପୁରରୁ ,ଏସସିବି କ୍ୟାମ୍ପସ, ସାଲେପୁର, ତୁଳସୀପୁର, ମାଲଗୋଦାମ, ଦରଘାଵଜ଼ାର, ତିନିକୋଣିଆ ବଗିଚା ଓ କିଶୋର ନଗର ଅଞ୍ଚଳରେ ଡେଙ୍ଗୁରୋଗୀ ଚିହ୍ନଟ କରାଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
