କଟକ: ରେଭେନ୍ସା ବିଶ୍ବବିଦ୍ୟାଳୟରେ ୧୧ ତମ ସମାବର୍ତନ ଉତ୍ସବ ଅନୁଷ୍ଠିତ ହୋଇଯାଇଛି । ଚଳିତବର୍ଷ ଏହି ସମାବର୍ତନ ଉତ୍ସବରେ ମୋଟ ୬୧ ଜଣ ଛାତ୍ରଛାତ୍ରୀଙ୍କୁ ସ୍ବର୍ଣ୍ଣ ପଦକ ପ୍ରଦାନ କରାଯାଇଥିଲା। ସ୍ନାତକ ପାଠ୍ୟକ୍ରମରେ ୨୪ ଜଣ, ସ୍ନାତକୋତ୍ତର ପାଠ୍ୟକ୍ରମରେ ୩୧ ଜଣ, ଶ୍ରେଷ୍ଠ ସ୍ନାତକ ଭାବେ ୨ ଜଣ ଓ ବୋରାସମ୍ବର ବକ୍ତୃତାରେ କୃତି ଛାତ୍ରଛାତ୍ରୀଙ୍କୁ ପଦକ ପ୍ରଦାନ କରାଯାଇଥିଲା।
ରେଭେନ୍ଶା ବିଶ୍ୱବିଦ୍ୟାଳୟର ୧୧ ତମ ସମାବର୍ତନ ଉତ୍ସବ ପାଳିତ
ଏଥିସହ ୩ ଜଣ ବ୍ୟକ୍ତିତ୍ବଙ୍କୁ ସମ୍ମାନସୂଚକ ଡକ୍ଟରେଟ ଉପାଧି ପ୍ରଦାନ କରାଯାଇଥିଲା। ସେମାନେ ହେଲେ ବଲିଉଡ ବିଶିଷ୍ଟ ଗୀତିକାର ପଦ୍ମଭୂଷଣ ଗୁଲଜର, ପ୍ରଖ୍ୟାତ ବୈଜ୍ଞାନିକ ଡ଼ଃ ମଞ୍ଜୁ ଶର୍ମା ଓ ଡ଼ଃ ସୁଜାତା ଦାସ। ତେବେ ଗୁରୁବାର ଏହି ଉତ୍ସବରେ ଗୁଲଜର ଓ ମଞ୍ଜୁ ଶର୍ମା ଯୋଗ ଦେଇ ନଥିଲେ। ବ୍ୟକ୍ତିଗତ କାରଣରୁ ସେମାନେ ଅନୁପସ୍ଥିତ ଥିବା ବିଶ୍ବବିଦ୍ୟାଳୟ ପକ୍ଷରୁ କୁହାଯାଇଛି। ତେବେ ରାଜ୍ୟପାଳ ପ୍ରଫେସର ଗଣେଶୀ ଲାଲ ଯୋଗ ଦେଇ କୃତି ଛାତ୍ରଛାତ୍ରୀଙ୍କୁ ପଦକ ପ୍ରଦାନ କରିଥିଲେ।
କଟକରୁ ନାରାୟଣ ସାହୁ, ଇଟିଭି ଭାରତ
