କଟକ: କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗକୁ ମିଳିଛି ଏକ ବଡ ସଫଳତା । ଗୁରୁବାର ଏକ ବିଶେଷ ସୁତ୍ରରୁ ଖବର ଅବକାରୀ ବିଭାଗ ସିଡିଏ ଅଞ୍ଚଳରେ ଚଢାଉ କରି 2 ଜଣ ଅଭିଯୁକ୍ତଙ୍କୁ ଗିରଫ କରିବା ସହ 10 କେଜି ଗଞ୍ଜେଇ ଓ 1 ବାଇକ ଜବତ କରିଛି । ଗିରଫ ଅଭିଯୁକ୍ତ ମାନେ ହେଲେ ଆଠଗଡ଼ର ଚିତରଞ୍ଜନ ରାଉତ ଓ କୋଲକତାର ପ୍ରଦୀପ ଝୁନଝୁନ ।
ସୂଚନା ଅନୁଯାୟୀ, ଦୀର୍ଘଦିନ ହେବ ଚିତରଞ୍ଜନ ଓ ପ୍ରଦୀପ ସିଡିଏ ଅଞ୍ଚଳରେ ଗଞ୍ଜେଇ କାରବାର କରୁଥିଲେ । ଏଥିସହ ସ୍ଥାନୀୟ ଅଞ୍ଚଳରେ ଗଞ୍ଜେଇକୁ ବିକ୍ରି କରିବା ସହ ତାକୁ ପ୍ୟାକ କରି କୋଲକତା ଚାଲାଣ କରୁଥିଲେ ।
ତେବେ ଉଭୟଙ୍କୁ ଅବକାରୀ ବିଭାଗ ଗିରଫ କରିବା ସହ ସେମାନଙ୍କୁ କୋର୍ଟ ଚାଲାଣ କରିଛି। ଏପଟେ ଜବତ ହୋଇଥିବା ଗଞ୍ଜେଇର ମୂଲ୍ୟ ପାଖାପାଖି 1 ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବା ନେଇ ସ୍ପଷ୍ଟ କରିଛନ୍ତି ଅବକାରୀ ନିରୀକ୍ଷକ ଜଗଦୀଶ ଚନ୍ଦ୍ର ସାମଲ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
