ଭୁବନେଶ୍ବର: ଆଜି ହେଉଛି ମୃତ୍ତିକା ଦିବସ । ଏହି ଅବସରରେ ଭୁବନେଶ୍ବର କୃଷି ଭବନରେ ରାଜ୍ୟସ୍ତରୀୟ କର୍ମଶାଳା ଆୟୋଜନ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ କୃଷି ଓ କୃଷକ ସଶକ୍ତିକରଣ ମନ୍ତ୍ରୀ ଡ଼ ଅରୁଣ ସାହୁ ଯୋଗଦେଇ ମୃତ୍ତିକା କ୍ଷୟ ରୋକିବା ନେଇ ସଚେତନ କରାଇଥିଲେ ।
ଏହି ଦିବସର ମୂଳ ଲକ୍ଷ୍ୟ ହେଉଛି ସାମ୍ପ୍ରତିକ ପରିସ୍ଥିତିରେ ମୃତ୍ତିକା କ୍ଷୟକୁ କିଭଳି ଭାବେ ରୋକି ମୃତ୍ତିକାର ଉତ୍ତମ ସ୍ବାସ୍ଥ୍ୟ ରଖାଯାଇପାରିବ ଓ ତତସଂଗେ ଆବଶ୍ୟକ ଅନୁଯାୟୀ ରାସାୟନିକ ସାର ବ୍ୟବହାର କରି ଉନ୍ନତ ମାନର ଫସଲ ଉତ୍ପାଦନ କରାଯାଇପାରିବ। ଏହାସହ କୃଷକ ମାନଙ୍କ ମୃତ୍ତିକା ସ୍ବାସ୍ଥ୍ୟ ପରିଚାଳନା ସହ ସମନ୍ବିତ ଅଣୁସାର ପରିଚାଳନା କରିବା।
ଏହି ଅବସରରେ ଖୋର୍ଦ୍ଧା ଓ ପୁରୀ ଜିଲ୍ଲାରୁ କିଛି ଅଗ୍ରଣୀ କୃଷକଙ୍କୁ ମୃତ୍ତିକା ସ୍ବାସ୍ଥ୍ୟ କାର୍ଡ ବଣ୍ଟନ କରାଯାଇଛି। ମୃତ୍ତିକା ସଂରକ୍ଷଣ କରିବାର ସଚେତନତା ଆବଶ୍ୟକ ରହିଛି। ମୃତ୍ତିକା କ୍ଷୟ ରୋକିବା ଦିଗରେ ପ୍ରଥମକରି କର୍ଣ୍ଣାଟକରେ ଭୁ-ଚେତନା କାର୍ଯ୍ୟକ୍ରମ ଆରମ୍ଭ କରାଯାଇଥିଲା। ପ୍ରତିବର୍ଷ ରାଜ୍ୟରେ ଲକ୍ଷାଧିକ ଚାଷୀଙ୍କୁ ମୃତ୍ତିକା ସ୍ବାସ୍ଥ୍ୟ କାର୍ଡ ପ୍ରଦାନ କରାଯାଉଛି । ୨୦୧୩ ମସିହାରୁ ଆରମ୍ଭ ହୋଇଛି ବିଶ୍ବ ମୃତ୍ତିକା ଦିବସ।
ଭୁବନେଶ୍ବରରୁ ସଞ୍ଜିବ ରାୟ, ଇଟିଭି ଭାରତ
