ଭୁବନେଶ୍ବର: ଆଜି ଠାରୁ ପୁଣିଥରେ ଆରମ୍ଭ ହୋଇଛି ଚେକିଂ। 6 ମାସର ମହଲତ ପରେ ପୁଣି କଡାକଡି ହୋଇଛି ଟ୍ରାଫିକ ନିୟମ । ବିଭିନ୍ନ ସ୍ଥାନରେ ଚାଲିଛି ଚେକିଂ ଚାଲୁଥିବାବେଳେ ଭୁବନେଶ୍ବର ରାଜମହଲ ଛକରେ ଦେଖାଦେଇଛି ଉତ୍ତେଜନା। ଜଣେ ମହିଳା ଚାଳକ ରଙ୍ଗ ରୁଟରେ ଗାଡି ଚଳାଉ ଥିବାବେଳେ ଗାଡିକୁ ଜବତ କରିଛି ଟ୍ରାଫିକ ପୋଲିସ ।
ସେପଟେ, ମହିଳା ଜଣକ ହଠାତ ରାଗିଯାଇ କହିଥିଲେ, "ମୋର ଭୁଲ ହୋଇଛି । ଆଉ ଏଥିପାଇଁ ଯାହା ଫାଇନ ହୋଇଛି ଦେବାକୁ ପ୍ରସ୍ତୁତ । କିନ୍ତୁ ଟ୍ରାଫିକ ରଙ୍ଗ ରୁଟରେ ଆସୁଥିବା ଗାଡି ଚାଳକଙ୍କ ପାଇଁ ଫାଇନ ନାହିଁ" । ସେମାନଙ୍କ ଗାଡିକୁ ଜବତ କରିବା ସହ କୋର୍ଟରେ କାଗଜ ପତ୍ର ଦେଖାଇବାକୁ ପଡିବ । ଯାହାକୁ ନେଇ ମହିଳା ଜଣକ ରାଗିଯାଇ ଉତ୍ତେଜିତ ହୋଇ ହୋହାଲ୍ଲା କରିଥିଲେ ।
ମହିଳା ଜଣଙ୍କ କହିବା ଅନୁଯାୟୀ, ଛକରେ କୌଣସି ସାଇନ ବୋର୍ଡ ନାହିଁ କି ମହିଳା ଟ୍ରାଫିକ ପୋଲିସ ନାହାଁନ୍ତି। ତେଣୁ ନିଯମ ଅନୁଯାୟୀ ମୁଁ ଟଙ୍କା ଦେବାକୁ ରାଜି । କିନ୍ତୁ ଗାଡି ଥାନାକୁ ଯିବାର କୌଣସି ପ୍ରଶ୍ନ ନାହିଁ ବୋଲି କହିଛନ୍ତି ଉକ୍ତ ମହିଳା ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
