ଭୁବନେଶ୍ବର: ସହିଦନଗର ଥାନା ଜଗନ୍ନାଥ ନଗରରେ ପଶି ମହିଳାଙ୍କୁ ମରଣାନ୍ତକ ଆକ୍ରମଣ ଘଟଣା । ପୋଲିସ ମହିଳାଙ୍କ ଘରେ ପହଞ୍ଚି ଛାନଭିନ ଆରମ୍ଭ କରିଛି । ମହିଳାଙ୍କ ଘର ନିକଟ ସିସିଟିଭି ଯାଞ୍ଚ କରି ସ୍ଥାନୀୟ ଲୋକଙ୍କୁ ପଚରାଉଚୁରା କରିଛି ପୋଲିସ ।
ଜଗନ୍ନାଥ ନଗର ଲେନ ୪ରେ ପ୍ଲଟ ନମ୍ବର ୨୨୩/୧୫୨୩ରେ ଦ୍ବିତୀୟ ମହଲାରେ ପଶି ଗତକାଲି(ବୁଧବାର) ବିଳମ୍ବିତ ରାତିରେ ଗୀତାଞ୍ଜଳି ପାଲଟାସି ନାମକ ମହିଳାଙ୍କୁ ଆକ୍ରମଣ କରାଯାଇଥିଲା । ଆଉ ଆଜି(ଗୁରୁବାର) ସେହି ସ୍ଥାନରେ ପହଞ୍ଚି ପୋଲିସ ସ୍ଥାନୀୟ ଲୋକଙ୍କୁ ପଚାରା ଉଚୁରା କରିବା ସହ CCTV ଯାଞ୍ଚ କରିଛି ।
ଏହା ବି ପଢନ୍ତୁ: ରାଜଧାନୀରେ ଲୁଟ ପାଇଁ ମହିଳାଙ୍କୁ ହାଣିଲେ, ଘରେ ପଶି ନେଇଗଲେ ଗହଣା ଓ ମୋବାଇଲ
ମହିଳାଙ୍କ ଘରକୁ ସଂଯୁକ୍ତ କରୁଥିବା ସମସ୍ତ ରାସ୍ତା ପାଖ ଘରକୁ ଘର ବୁଲି କଥା ହେବା ସହ CCTV ଯାଞ୍ଚ କରିଛି ସହିଦନଗର ପୋଲିସ । ଅଧିକ ତଥ୍ୟ ପାଇଁ ବିଭିନ୍ନ ଦିଗକୁ ଅନୁଧ୍ୟାନ କରି ପୋଲିସ ତଦନ୍ତ ଚଳାଇଛି । ସେପଟେ ମହିଳାଙ୍କ ଅବସ୍ଥା ଏବେ ବି ସଙ୍କଟାପନ୍ନ ରହିଥିବା ଜଣାପଡ଼ିଛି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
