ଆସନ୍ତା 20ରୁ ରାଜ୍ୟ ପାଣିପାଗରେ ଆସିବ ପରିବର୍ତ୍ତନ

ଆସନ୍ତା 20 ତାରିଖରୁ ରାଜ୍ୟ ପାଗରେ ପରିବର୍ତ୍ତନ ଆସିବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ କେନ୍ଦ୍ର । ଦକ୍ଷିଣ ଓ ଆଭ୍ୟନ୍ତରୀଣ ଜିଲ୍ଲା ଗୁଡିକରେ ସ୍ବଳ୍ପ ବର୍ଷା ହେବା ନେଇ ସୂଚନା ମିଳିଛି । ଅଧିକ ପଢନ୍ତୁ...

ଭୁବନେଶ୍ବର: ଆସନ୍ତା 20ରୁ ପାଗରେ ହେବ ପରିବର୍ତ୍ତନ । ଏନେଇ ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ।

ଦକ୍ଷିଣ ଓ ଆଭ୍ୟନ୍ତରୀଣ ଜିଲ୍ଲାଗୁଡିକରେ ସ୍ୱଳ୍ପ ବର୍ଷା ହେବାର ସମ୍ଭାବନା ରହିଛି । ଆସନ୍ତା ୨୪ ଘଣ୍ଟା ବୁଧବାର ମଧ୍ୟରେ ରାଜ୍ୟରେ ପାଗ ଶୁଖିଲା ରହିବ । ଯେହେତୁ କୌଣସି ପାଗରେ ପ୍ରତିକୂଳ ସ୍ଥିତି ନାହିଁ, ଆସନ୍ତା ୩ ଦିନ ପର୍ଯ୍ୟନ୍ତ ରାଜ୍ୟରେ ପାଗ ଶୁଖିଲା ରହିବ। ଏହାପରେ 20ରୁ ବର୍ଷାହେବା ନେଇ ଆଞ୍ଚଳିକ ପାଣିପାଗ ବିଭାଗ ବୈଜ୍ଞାନିକ ଉମା ଶଙ୍କର ଦାଶ ସୂଚନା ଦେଇଛନ୍ତି ।

ତେବେ ପାଣିପାଗ ବିଭାଗର ସୂଚାନ ମୁତାବକ ଗତ ୨୪ ଘଣ୍ଟା ମଧ୍ୟରେ ମାଲକାନଗିରିରେ ସର୍ବାଧିକ ତାପମାତ୍ରା ୩୫.୦ ଡିଗ୍ରୀ ସେଲସିୟସ ରେକର୍ଡ କରାଯାଇଛି, ସେହିପରି ସୋନପୁର ସବୁଠୁ ଥଣ୍ଡା ସହର ଭାବେ ୧୫.୪ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ ହୋଇଛି । ପାହାଡିଆ ଅଞ୍ଚଳ ଭାବେ କୋରାପୁଟରେ ୧୫.୦ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ କରାଯାଇଛି । କନ୍ଧମାଳ ଅଞ୍ଚଳରେ ଘନ କୁହୁଡି ଦେଖାଦେଇ ଥିବାବେଳେ ସୁନ୍ଦରଗଡ଼ ଓ ସୋନପୁରରେ ହାଲକା କୁହୁଡି ଦେଖା ଦେଇଛି ।

ଆସନ୍ତା 20ରୁ ରାଜ୍ୟ ପାଣିପାଗରେ ଆସିବ ପରିବର୍ତ୍ତନ

ଆସନ୍ତା 20ରୁ ରାଜ୍ୟ ପାଣିପାଗରେ ଆସିବ ପରିବର୍ତ୍ତନ

ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ