ଭୁବନେଶ୍ବର: ଦିନକୁ ଦିନ ଜଳବାୟୁ ପରିବର୍ତ୍ତନ ହେଉଥିବାରୁ ବର୍ଷା ମଧ୍ୟ ଠିକ ଭାବରେ ହେଉନାହିଁ । ଅଗଷ୍ଟ ମାସ ଆରମ୍ଭ ହୋଇଥିଲେ ମଧ୍ୟ ରାଜ୍ୟର ଅନେକ ସ୍ଥାନରେ ସ୍ବାଭାବିକ ଠାରୁ କମ ବର୍ଷା ହୋଇଛି । ପୁରୀ ଓ କୋରାପୁଟ ଜିଲ୍ଲାରେ ସ୍ବାଭାବିକଠାରୁ ଅଧିକ ବର୍ଷା ହୋଇଥିବା ବେଳେ 18ଟି ଜିଲ୍ଲାରେ ସ୍ଥିତି ବରାବର ରହିଛି । ସେହିପରି ପଶ୍ଚିମାଞ୍ଚଳର ସବୁ ଜିଲ୍ଲାରେ ବର୍ଷା ହୋଇଥିବା ବେଳେ ଦେଓଗଡ ଜିଲ୍ଲାରେ ସାମାନ୍ୟ କମ୍ ବର୍ଷା ରେକର୍ଡ ହୋଇଛି ।
ବଲାଙ୍ଗୀର ଜିଲ୍ଲାରେ ବର୍ତ୍ତମାନ -19 ମିଲିମିଟର ବର୍ଷା କମ ରହିଛି। ଏହାସହ ବର୍ତ୍ତମାନ ରାଜ୍ୟରେ ବଡ ଧରଣର ବର୍ଷା ନାହିଁ ବୋଲି କହିଛନ୍ତି । କିନ୍ତୁ କିଛିଦିନ ପାଗ ମେଘୁଆ ରହିବ ସାରା ରାଜ୍ୟରେ । ସେହିଭଳି ଏବେ ରାଜ୍ୟରେ ଯେଉଁ ବର୍ଷା ହେଉଛି ତାହା ସ୍ବାଭାବିକଠାରୁ 9 ପ୍ରତିଶତ କମ ବୋଲି କହିଛନ୍ତି ପାଣିପାଗ ବିଶେଷଜ୍ଞ । ପରସ୍ଥିତିକୁ ନଜରରେ ରଖି ଆସନ୍ତା 2 ଦିନ ପର୍ଯ୍ୟନ୍ତ ମତ୍ସ୍ୟଜୀବିଙ୍କୁ ସମୁଦ୍ରକୁ ବାରଣ କରାଯାଇଛି ବୋଲି କହିଛନ୍ତି ଆଞ୍ଚଳିକ ପାଣିପାଗ କେନ୍ଦ୍ରର ନିର୍ଦ୍ଦେଶକ ଏଚ.ଆର. ବିଶ୍ବାସ ।
ଭୁବନେଶ୍ବରରୁ, ଶତରୂପା ସାମନ୍ତରାୟ , ଇଟିଭି ଭାରତ
