ଭୁବନେଶ୍ବର: ରାଜ୍ୟରେ ଟିକା ଅଭାବ ସମସ୍ୟା ଲାଗିରହିିଛି । ଏଥିପାଇଁ ଆଜି (ବୁଧବାର) ରାଜ୍ୟରେ 11 ଜିଲ୍ଲାରେ ଟୀକାକରଣ ବନ୍ଦ ରହିବ । ରାଜ୍ୟରେ ଟିକା ସଙ୍କଟ କାରଣରୁ 11ଟି ଜିଲ୍ଲାରେ ବନ୍ଦ ରହିବ ଟୀକାକରଣ । ଅନ୍ୟପକ୍ଷେ ରାଜ୍ୟରେ 396ଟି କେନ୍ଦ୍ରରେ ଟୀକାକରଣ କରାଯିବ ।
ବର୍ତ୍ତମାନ ରାଜ୍ୟରେ ଘୋର ଟିକା ସଙ୍କଟ ଦେଖାଯାଇଛି । ଫଳରେ ଦୈନିକ ଟୀକାକରଣରେ ଉପୁଜୁଛି । ଦୈନିକ ଭାବେ ହେବାକୁ ଥିବା ଅନେକ ସ୍ଥାନରେ ଟୀକାକରଣ ଠିକ ଭାବରେ ପରିଚାଳନା ହୋଇପାରୁନାହିଁ । ସେହିପରି ସମାନ କାରଣ ପାଇଁ ରାଜ୍ୟରେ ଆଜି 11ଟି ଜିଲ୍ଲାରେ ଟୀକାକରଣ ବନ୍ଦ ରଖିବାକୁ ନିଷ୍ପତ୍ତି ହୋଇଛି । ତେବେ ଆଜି ରାଜ୍ୟରେ 396ଟି କେନ୍ଦ୍ରରେ ଟିକା ପ୍ରଦାନ କରାଯିବ ।
ଟୀକାକରଣ ବନ୍ଦ ରହିଥିବା ଜିଲ୍ଲାଗୁଡିକ ମଧ୍ୟର ବଲାଙ୍ଗୀର,ବାଲେଶ୍ବର, ଦେଓଗଡ, ଗଜପତି, କଳାହାଣ୍ଡି, କେନ୍ଦ୍ରାପଡା, କୋରାପୁଟ, ମାଲକାନଗିରି, ମୟୂରଭଞ୍ଜ, ନବରଙ୍ଗପୁର ଓ ନୂଆପଡା ସାମିଲ ରହିଛି ।
ବର୍ତ୍ତମାନ ସୁଦ୍ଧା ରାଜ୍ୟରେ ମୋଟ 3 ଲକ୍ଷ 46 ହଜାର 210 ଡୋଜ କୋଭିସିଲଡ଼ ଟିକା ରହିଥିବାବେଳେ 2 ଲକ୍ଷ 89 ହଜାର 400 ଡୋଜ କୋଭାକ୍ସିନ ଟିକା ମହଜୁଦ ରହିଛି । ତେବେ ରାଜ୍ୟରେ ମୋଟ 1 କୋଟି 34 ଲକ୍ଷ 60 ହଜାର 327 ଡୋଜ ଟୀକାକରଣ କରାଯାଇଥିବା ମଧ୍ୟ ସୂଚନା ରହିଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
