ଫେବୃଆରୀ 15ରୁ FIH Pro League 2024-25; 32 ଜଣିଆ ଭାରତୀୟ ଦଳରେ 3 ଓଡିଆ

ଆସନ୍ତା ମାସ ଫେବ୍ରୁଆରୀ 15 ତାରିଖରୁ ହକି ମହାକୁମ୍ଭ । ଭୁବନେଶ୍ବର କଳିଙ୍ଗ ଷ୍ଟାଡିୟମରେ ଆରମ୍ଭ ହେବ । ଘୋଷିତ ଭାରତୀୟ ଦଳରେ ତିନି ଓଡ଼ିଆ ସାମିଲ ।

ଭୁବନେଶ୍ୱର: ଆସନ୍ତା ମାସ ଫେବ୍ରୁଆରୀ 15 ତାରିଖରୁ ହକି ମହାକୁମ୍ଭ (FIH Pro League 2024-25) ଭୁବନେଶ୍ବର କଳିଙ୍ଗ ଷ୍ଟାଡିୟମରେ ଆରମ୍ଭ ହେବାକୁ ଯାଉଛି । ୨୫ ତାରିଖ ପର୍ଯ୍ୟନ୍ତ ଚାଲିବ ମେଗା ଇଭେଣ୍ଟ । ଏହି ପରିପ୍ରେକ୍ଷୀରେ ଆଜି ହକି ଇଣ୍ଡିଆ ତରଫରୁ ୩୨ ଜଣିଆ ଭାରତୀୟ ପୁରୁଷ ଟିମ ସଦସ୍ୟଙ୍କ ନାଁ ଘୋଷଣା କରାଯାଇଛି ।

ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏଥିରେ ୩ ଜଣ ଓଡ଼ିଆ ଖେଳାଳି ନିଜ ହୋମ୍ ଗ୍ରାଉଣ୍ଡରେ ଖେଳିବେ । ଓଡ଼ିଶାର ଶିଳାନନ୍ଦ ଲାକ୍ରା, ନିଲମ ସଂଜୀପ ଖେସ ଓ ଅମିତ ରୋହିଦାସ ଭାରତୀୟ ହକି ଟିମରେ ରହିଛନ୍ତି ।

FIH Pro League 2024-25 (ETV Bharat Odisha)

ଭେଟେରାନ ଡ୍ରାଗ- ଫ୍ଲିକର ହରମନପ୍ରୀତ୍ ସିଂ ଦଳର ଅଧିନାୟକତ୍ୱ ଭାର ସମ୍ଭାଳିବାକୁ ଥିବା ବେଳେ ତାଙ୍କ ଡେପ୍ୟୁଟି ଭାର ସମ୍ଭାଳିବେ ହାର୍ଦ୍ଦିକ ସିଂ । ଭାରତ ଏହି ଲିଗରେ ସ୍ପେନ, ଜର୍ମାନୀ, ଆୟରଲାଣ୍ଡ ଏବଂ ଇଂଲଣ୍ଡ ବିପକ୍ଷରେ ମ୍ୟାଚ ଖେଳିବ । ଫେବୃଆରୀ 15ରୁ 25 ତାରିଖ ପର୍ଯ୍ୟନ୍ତ ଏହି ମେଗା ଟୁର୍ଣ୍ଣାମେଣ୍ଟ ଚାଲିବ । ଏଥିରେ ପ୍ରତ୍ୟକ ଦଳ ଦୁଇ ଥର ଲେଖାଏଁ ଆମ୍ନାସାମ୍ନା ହେବେ ।

କଳିଙ୍ଗ ଷ୍ଟାଡିୟମରେ ହେବାକୁ ଥିବା ଏଫଆଇଏଚ୍ ପ୍ରୋ ଲିଗ୍ ପାଇଁ ଭାରତୀୟ ହକି ଦଳ ଘୋଷଣା ହୋଇଯାଇଛି । ଭାରତ ଏହାର ପ୍ରଥମ ମ୍ୟାଚରେ ସ୍ପେନକୁ ଭେଟିବ । ଏହାପରେ ଜର୍ମାନୀ, ଇଂଲଣ୍ଡ ଓ ଆୟର୍ଲାଣ୍ଡକୁ ଭେଟିବ ଭାରତୀୟ ହକି ଦଳ । ହରମନପ୍ରୀତ ସିଂଙ୍କ ନେତୃତ୍ବରେ ମୈଦାନକୁ ଓଲ୍ହାଇବ ଦଳ । ଦଳର ଉପଅଧିନାୟକ ରହିଛନ୍ତି ହାର୍ଦିକ ସିଂ । ଏହା ସହିତ ମହିଳା ଟିମ୍ ଘୋଷଣା ହୋଇ ସାରିଛି। ମହିଳା ଟିମ୍ ଭେଟିବ ସ୍ପେନ୍, ଜର୍ମାନୀ, ନେଦରଲାଣ୍ଡ, ଏବଂ ଇଂଲଣ୍ଡ ସହିତ ଖେଳିବ ଭାରତୀୟ ମହିଳା ହକି ଟିମ୍ ।

FIH Pro League 2024-25 ପାଇଁ ଭାରତୀୟ ଦଳ-

ଗୋଲକିପର-

1. କ୍ରୀଷ୍ଣନ ବାହାଦୂର ପାଠକ
2. ସୂରଜ କାରକେରା
3. ପ୍ରିନ୍ସଦୀପ ସିଂ

ଡିଫେଣ୍ଡର-

1. ଜରମନପ୍ରୀତ୍ ସିଂ
2. ଅମିତ ରୋହିଦାସ
3. ହରମନପ୍ରୀତ୍ ସିଂ
4. ସୁମିତ
5. ସଞ୍ଜୟ
6. ଯୁଗରାଜ ସିଂ
7. ନିଲମ ସଞ୍ଜୀପ ଖେସ୍
8. ବରୁଣ କୁମାର
9. ୟଶଦ୍ୱୀପ ଶିବତ୍ସ

ମିଡଫିଲ୍ଡର-

1. ରାଜକୁମର ପାଲ୍
2. ସମସେର ସିଂ
3. ମନପ୍ରୀତ୍ ସିଂ
4. ହାର୍ଦ୍ଦିକ ସିଂ
5. ବିବେକ ସାଗର ପ୍ରସାଦ
6. ନିଳକଣ୍ଠ ଶର୍ମା
7. ମୋଇରଙ୍ଗଥମ୍ ରବିଚନ୍ଦ୍ର ସିଂ
8. ରାଜିନ୍ଦର ସିଂ

ଫରଓ୍ବାର୍ଡ-

1. ଅଭିଷେକ
2. ସୁଖଜିତ୍ ସିଂ
3. ଲଳିତ କୁମାର ଉପାଧ୍ୟାୟ
4. ମନଦୀପ ସିଂ
5. ଗୁରଜନ୍ତ ସିଂ
6. ଅଙ୍ଗଦ ବୀର ସିଂ
7. ବବି ସିଂ ଧାମୀ
8. ଶିଳାନନ୍ଦ ଲାକ୍ରା
9. ଦିଲପ୍ରୀତ୍ ସିଂ
10. ଐରିଜିତ୍ ସିଂ ହୁଣ୍ଡାଇ
11. ଉତ୍ତମ ସିଂ
12. ଅର୍ଶଦୀପ ସିଂ