ଭୁବନେଶ୍ବର: କେନ୍ଦ୍ର ସରକାରଙ୍କ ପରବର୍ତ୍ତୀ ଟୀକାକରଣ ନୀତି ଲାଗୁ ହେବା ପରେ ଘରୋଇ ହସ୍ପିଟାଲ ଗୁଡିକ ସର୍ଭିସ ଚାର୍ଜ ନେଇ ଦେଉଥିବା ଟୀକାକୁ ବନ୍ଦ କରି ଦିଆଯାଇଛି । ଏନେଇ ସୂଚନା ଦେଇଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ।
ଘରୋଇ ହସ୍ପିଟାଲରେ ବନ୍ଦ ହେଲା ଟୀକାକରଣ
ଗୋଟିଏ ଟିକା ପାଇଁ 100 ଟଙ୍କା ସର୍ଭିସ ଚାର୍ଜ ନେଉଥିଲେ ଘରୋଇ ହସ୍ପିଟାଲ । ଘରୋଇ ହସ୍ପିଟାଲ ଗୁଡିକ ଚାହିଁଲେ ଆଜିଠୁ ସିଧାସଳଖ ଭ୍ୟାକ୍ସିନ ପ୍ରସ୍ତୁତକାରୀ କମ୍ପାନୀ ଠୁ ଟିକା କିଣି ଦେଇ ପାରିବେ । ସରକାର ଯେଉଁ ଦର ଧାର୍ଯ୍ୟ କରିଛନ୍ତି, ସେହି ଦର ଅନୁଯାୟୀ ଟୀକାକରଣ କରିବେ ।
କୋଭିସିଲ୍ଡ ଟିକା 780 ଟଙ୍କା ଓ କୋଭାକ୍ସିନ ଟିକା 1410 ଟଙ୍କା ଧାର୍ଯ୍ୟ କରାଯାଇଛି । ସେହି ଦର ଅନୁଯାୟୀ ସେମାନେ ଟୀକାକରଣ କରିପାରିବେ ବୋଲି କହିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ। ଅନ୍ୟପଟେ ରାଜ୍ୟରେ ଟୀକାକାରଣକୁ ନେଇ କିଭଳି ଭାବରେ ତ୍ବରାନ୍ବିତ କରାଯିବ ସେନେଇ ପ୍ରସ୍ତୁତ ଚାଲିଛି।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
