ଭୁବନେଶ୍ବର: ରାଜ୍ୟରେ ହଠାତ ଅଦିନିଆ ବର୍ଷା ଯୋଗୁଁ ଅନେକ କ୍ଷୟକ୍ଷତି ହୋଇଛି । ବିଶେଷକରି ଚାଷୀକୂଳ ବେଶୀ କ୍ଷତିଗ୍ରସ୍ତ ହୋଇଛନ୍ତି । କେଉଁଠି ଧାନ ଗଜା ହୋଇଛି ତ କେଉଁଠି ଫସଲ ନଷ୍ଟ ହୋଇଛି ।
ଅଦିନିଆ ବର୍ଷା ପାଇଁ କ୍ଷତିପୂରଣ ଦେବାକୁ ଶୁନ୍ୟକାଳରେ ଦାବି
ଖାଲି ଏତିକି ନୁହେଁ ରାଜ୍ୟର ଅନେକ ସ୍ଥାନରେ ବ୍ୟାପକ ମାତ୍ରାରେ କଚ୍ଚାଘର ଭାଙ୍ଗିବା ସହ, ବିଜୁଳି ସଂଯୋଗ ବିଛିନ୍ନ ହୋଇଛି । ଲୋକଙ୍କର ଟିଣ ଛପର ଘର ଉଡିଯାଇଛି । ଫଳରେ ଲୋକେ ଦୁର୍ଦ୍ଦଶା ରେ ଦିନ କାଟୁଛନ୍ତି । ତେଣୁ କ୍ଷତିଗ୍ରସ୍ତ ଲୋକଙ୍କୁ ତୁରନ୍ତ ଆର୍ଥିକ ସହାୟତା ସରକାର ଯୋଗାଇ ଦିଅନ୍ତୁ ।
ଆଜି (ବୁଧବାର) ଶୂନ୍ୟକାଳରେ ଏମିତି ଢଙ୍ଗରେ ସରକାରଙ୍କ ନିକଟରେ ଦାବି କରିଥିଲେ ବିରୋଧୀ ବିଜେପି ଓ କଂଗ୍ରେସ । ଶୂନ୍ୟକାଳରେ ପ୍ରଥମେ ବିରୋଧୀ ଦଳନେତା ପରେ କଂଗ୍ରେସ ବିଧାୟକ ଦଳନେତା ଏହି ପ୍ରସଙ୍ଗରେ ବାଚସ୍ପତିଙ୍କ ଦୃଷ୍ଟି ଆକର୍ଷଣ କରିଥିଲେ । ବାଚସ୍ପତି ମଧ୍ୟ ପ୍ରସଙ୍ଗର ଗୁରୁତ୍ବକୁ ଦେଖି କ୍ଷୟକ୍ଷତି ରିପୋର୍ଟ ଦେବାକୁ ଶକ୍ତିମନ୍ତ୍ରୀଙ୍କୁ ନିର୍ଦ୍ଦେଶ ଦେଇଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
