ଭୁବନେଶ୍ବର: ଅଗ୍ନିପଥ ଯୋଜନା ବିରୋଧରେ ମାଷ୍ଟର କ୍ୟାଣ୍ଟିନଠାରେ ବିକ୍ଷୋଭ । ସଂଯୁକ୍ତ ବାମପନ୍ଥୀ ଛାତ୍ର ଓ ଯୁବ ସଙ୍ଗଠନ ସମନ୍ବୟ କମିଟିର ଶହଶହ ଛାତ୍ରଛାତ୍ରୀ ଓ କର୍ମୀ ଏକାଠି ହୋଇ କେନ୍ଦ୍ର ସରକାରଙ୍କ ବିରୋଧରେ ରଣହୁଙ୍କାର ଦେଇଛନ୍ତି ।
Agnipath scheme: ଭୁବନେଶ୍ବରରେ ବାମପନ୍ଥୀ ଛାତ୍ର ଓ ଯୁବ ସଙ୍ଗଠନର ବିକ୍ଷୋଭ
ଚାକିରି ନାଁରେ ପିଲାଙ୍କ ଭବିଷ୍ୟତ ସହ ଖେଳିବା ସହ ସେନା ପେନସନକୁ ହଡପ କରିବା ପାଇଁ କେନ୍ଦ୍ର ସରକାର ଯୋଜନା କରୁଥିବା ସଙ୍ଗଠନ ଅଭିଯୋଗ କରିଛି । ଖୁବଶୀଘ୍ର ସରକାର ଯୁବକ ଓ ଛାତ୍ର ବିରୋଧୀ ଏହି ଯୋଜନାକୁ ପ୍ରତ୍ୟାହର ନକଲେ ଏଭଳି ବିରୋଧ ପଲ୍ଲୀରୁ ଦିଲ୍ଲୀ ପର୍ଯ୍ୟନ୍ତ ଯିବ ବୋଲି ଚେତାବନୀ ଦିଆଯାଇଛି । ସରକାର ନିଜ ସ୍ବାର୍ଥ ପାଇଁ ପିଲାଙ୍କ ପରିଶ୍ରମ ଓ ଦେଶ ପ୍ରତି ଥିବା ଆବେଗ ପ୍ରତି ସ୍ଥାଣୁ ପାଲଟିଯାଇଛନ୍ତି । ଦେଶର ଭବିଷ୍ୟତ ହେଉଛନ୍ତି ଛାତ୍ର ଓ ଯୁବକ । ଏମାନେ ରାଜରାସ୍ତାରେ ନିଜ ଭବିଷ୍ୟତ ପାଇଁ ବିଦ୍ରୋହ କରୁଥିଲେ ମଧ୍ୟ ସରକାରଙ୍କୁ କୌଣସି ଫରକ ପଡ଼ୁନାହିଁ ବୋଲି ବାମପନ୍ଥୀ ଛାତ୍ର ଓ ଯୁବ ସଙ୍ଗଠନ ପକ୍ଷରୁ କୁହାଯାଇଛି ।
ଇଟିଭି ଭାରତ, ଭୁବନେଶ୍ବର
