ଭୁବନେଶ୍ବର: କିଡ଼ନୀ ପ୍ରତିରୋପଣ ପରେ ରୋଗୀଙ୍କୁ ଶସ୍ତା ଔଷଧ ଦିଆଯାଉଥିବା ଅଭିଯୋଗ ହୋଇଛି । ବାରମ୍ବାର ଅଭିଯୋଗ ପରେ କୌଣସି ସୁଫଳ ନ ମିଳିବାରୁ ଲୋୟର ପିଏମଜିରେ ଦୀର୍ଘ ଦିନ ଧରି ଧାରଣାରେ ବସିଥିଲେ ୮୦ ପରିବାର । ଏ ସମ୍ପର୍କରେ ଖବର ପାଇବା ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଧାରଣା ସ୍ଥଳକୁ ଯାଇ ଉକ୍ତ ପରିବାରକୁ ଭେଟି ସେମାନଙ୍କୁ ଦୁଃଖ ବୁଝିଛନ୍ତି ।
ଦୀର୍ଘ ଏକ ମାସ ଧରି ଧାରଣାରେ ବସିଛନ୍ତି ଅନେକ ପରିବାର। ଏମାନେ କଟକ ବଡ଼ ମେଡ଼ିକାଲ SCB କଲେଜରେ କିଡ଼ନୀ ପ୍ରତିରୋପଣ ପରେ ସେମାନଙ୍କୁ ସଠିକ ଔଷଧ ଦିଆଯାଉନଥିବା ଅଭିଯୋଗ କରିଛନ୍ତି । ଶସ୍ତା ଔଷଧ ରୋଗୀଙ୍କୁ ଦିଆଯାଉଛି । ଏପରିକି ଶସ୍ତା ଔଷଧ ଦେଇ ଅନେକ ରୋଗୀଙ୍କର ମୃତ୍ୟୁ ଘଟିଛି ବୋଲି ଅଭିଯୋଗ କରିଛନ୍ତି ଆନ୍ଦୋଳନକାରୀ । ତୁରନ୍ତ ଭଲ ଔଷଧ ଦିଆଯାଉ। ଯାହା ଫଳରେ ଅନେକ ପରିବାରର ନିଜ ଲୋକ ବଞ୍ଚିପାରିବେ ବୋଲି କହିଛନ୍ତି ଆନ୍ଦୋଳନକାରୀ ।
ତେବେ ଏହି ପ୍ରସଙ୍ଗକୁ ନେଇ ସ୍ବାସ୍ଥ୍ୟ ମନ୍ତ୍ରୀ SCB ମେଡିକାଲ କଲେଜର ଅଧୀକ୍ଷକଙ୍କ ନିକଟକୁ ଯାଇଥିଲେ ମଧ୍ୟ କୌଣସି ସମାଧାନ ହୋଇପାରିଲା ନାହିଁ । ଏନେଇ ଆଜି କେନ୍ଦ୍ର ମନ୍ତ୍ରୀ ଧମେନ୍ଦ୍ର ପ୍ରଧାନ ଲୋୟର ପିଏମଜିରେ ବସିଥିବା କିଡ଼ନୀ ପ୍ରତିରୋପଣ ହୋଇଥିବା ରୋଗୀଙ୍କ ପରିବାରକୁ ଭେଟିଛନ୍ତି । ଏନେଇ ରାଜ୍ୟ ସରକାରଙ୍କ ସହ କଥା ହେବା ସହ ସେମାନଙ୍କୁ ଆଶ୍ବାସନା ଦେଇଛନ୍ତି ।
ଇଟିଭି ଭାରତ, ଭୁବନେଶ୍ବର
