ଭୁବନେଶ୍ବର: ଓଟିଡିସି ଦ୍ବାରା ପରିଚାଳିତ ନିମନ୍ତ୍ରଣ ରେଷ୍ଟୁରାଣ୍ଟରୁ ଲକ୍ଷାଧିକ ଟଙ୍କା ହଡପ । ଏନେଇ ଥାନାରେ ଏତଲା ଦେଇଥିଲେ ଡିଭିଜନାଲ ମ୍ୟାନେଜର । ଥାନାରେ ଏତଲା ଦିଆଯିବା ପରେ ବନ୍ଧା ହୋଇଛନ୍ତି ନିମନ୍ତ୍ରଣର ଦୁଇ କର୍ମଚାରୀ । ଦୁଇ ଜଣ ମିଳିତ ଭାବେ ଆତ୍ମସାତ କରିଥିଲେ ୧୭ ଲକ୍ଷରୁ ଉର୍ଦ୍ଧ୍ବ ଟଙ୍କା । ଜଣେ ୧୦ ଲକ୍ଷ ଆଉ ଜଣେ ୭ ଲକ୍ଷ ନେଇଛନ୍ତି । ଏହି ଘଟଣାରେ ଇନଚାର୍ଚ ମ୍ଯାନେଜର ରାଜା ଅର୍ଦ୍ଧେନ୍ଦୁ ମହାନ୍ତି ଓ ଆସିଷ୍ଟାଣ୍ଟ ଆକାଉଣ୍ଟସ୍ ମ୍ଯାନେଜର ସୁନୀଲ ଘଡେଇଙ୍କୁ ଗିରଫ କରିଛି ସହିଦନଗର ପୋଲିସ ।
ମୁଖ୍ୟ ଅଭିଯୁକ୍ତ ସୁନୀଲ ଘଡେଇ ହଡପ କରିଥିବା ହଡପ ଟଙ୍କାକୁ ନେଇ ଅନଲାଇନ ଗେମ୍ବଲିଂରେ ଲଗାଉଥିଲେ । ସେହିପରି ଅନ୍ୟତମ ଅଭିଯୁକ୍ତ ରାଜା ଅର୍ଦ୍ଧେନ୍ଦୁ ମହାନ୍ତି ଟଙ୍କା ହଡପ କରିଥିବା ନେଇ ସ୍ବୀକାର କରିଛନ୍ତି ବୋଲି ପୋଲିସ କହିଛି ।
ଦୁଇ ଅଭିଯୁକ୍ତଙ୍କ ବ୍ୟାଙ୍କ ଆକାଉଣ୍ଟକୁ ଯାଂଚ କରୁଛି ପୋଲିସ । ସେହିପରି ଏହି ଅର୍ଥ ଆତ୍ମସାତ ଘଟଣାରେ ଆଉ କାହାର ସଂପୃକ୍ତି ଅଛି କି ନାହିଁ ସେନେଇ ଅନ୍ଯ ସମସ୍ତ କର୍ମଚାରୀଙ୍କୁ ପଚରା ଉଚରା କରୁଛି ପୋଲିସ । ଉଭୟଙ୍କୁ ପୋଲିସ କୋର୍ଟ ଚାଲାଣ କରିଥିବା ବେଳେ ଏମାନଙ୍କ ଚେର କେଉଁ ଯାଏ ଲମ୍ବଛି ତାର ଖୋଳତାଡ ଆରମ୍ଭ ହୋଇଛି ବୋଲି ଏସିପି ସଞ୍ଜିବ ଶତପଥି ।
ଇଟିଭି ଭାରତ, ଭୁବନେଶ୍ବର
