ଭୁବନେଶ୍ବର: ନୂଆ ରୂପ ନେଉଛି ବିଜେଡି ସଂଘଠନ । ଯୁବ ନେତୃତ୍ବକୁ ଗୁରୁତ୍ୱ ଦେଉଛି ଦଳ । ପରବର୍ତ୍ତୀ ଯୁବ ବିଜେଡି ସଭାପତି ଓ ଛାତ୍ର ବିଜେଡି ସଭାପତି କିଏ ହେବ ତାକୁ ନେଇ ହେଉଥିବା ଚର୍ଚ୍ଚାର ଅନ୍ତ ଘଟିବାକୁ ଯାଉଛି । ସୂଚନା ଅନୁସାରେ କ୍ରୀଡା ଓ ଯୁବ ବ୍ୟାପାର ମନ୍ତ୍ରୀ ତଥା କାକଟପୁର ବିଧାୟକ ତୁଷାର କାନ୍ତି ବେହେରା ହେବେ ଆଗାମୀ ଯୁବ ବିଜେଡିର ମଙ୍ଗୁଆଳ ।
ଏନେଇ ଚୁଡାନ୍ତ ନିଷ୍ପତ୍ତି ହୋଇଥିବା ବିଜେଡି ଅନ୍ଦର ମହଲରୁ ସୂଚନା ମିଳିଛି । ଉଚ୍ଚଶିକ୍ଷିତ ଓ ସ୍ଵଛନିର୍ମଳ ଭାବମୃତ୍ତି ଓ ସାଙ୍ଗଠନିକ ଦକ୍ଷତା ରଖିଥିବା ତୂଷାରକାନ୍ତିକୁ ଦଳ ଏହି ଗୁରଦାୟିତ୍ଵ ଦେବାକୁ ଯାଉଛି । ଯେତେବେଳେ ଯୁବ ସଭାପତି ନେଇ ବିଧାୟକ ବ୍ୟୋମକେଶ ରାୟ , ଚନ୍ଦ୍ରଶାରଥୀ ବେହେରାଙ୍କ ପରି ଯୁବ ବିଧାୟକଙ୍କ ନାମ ଚର୍ଚ୍ଚା ହେଉଥିଲା । ହେଲେ ସମସ୍ତଙ୍କୁ ପଛରେ ପକାଇ ତୁଷାର ଦଳର ସୁପ୍ରିମୋଙ୍କ ମନ ଜିଣିଛନ୍ତି ।
ସେହିପରି ଛାତ୍ର ବିଜେଡିର ମଙ୍ଗ ଧରିବେ ବାଙ୍କୀ ବିଧାୟକ ଦେବୀ ପ୍ରସନ୍ନ ତ୍ରିପାଠୀ । ଯୁବ ବିଧାୟକ ହୋଇଥିବାରୁ ତାଙ୍କୁ ଛାତ୍ର ସଭାପତି କରିବା ପାଇଁ ସ୍ଥିର ହୋଇଛି । ଯେତେବେଳେ କି ଛାତ୍ର ସଭାପତି ରେସରେ ବିଧାୟକ ସୈଭିକ୍ ବିଶ୍ଵାଳ ,ପାର୍ଥ ସାରର୍ଥୀ ଏହିପରି ଅନେକ ଛାତ୍ର ନେତାଙ୍କ ନାମ ଚର୍ଚ୍ଚାରେ ଥିଲେ । ସେହିପରି ମହିଳା ସଭାନେତ୍ରୀ ଭାବରେ ବିଧାୟିକା ଲତିକା ପ୍ରଧାନଙ୍କ ନାମ ଚର୍ଚ୍ଚାରେ ରହିଛି । ଏହି ପଦବୀ ୩ବର୍ଷ ପାଇଁ ଦିଆଯାଉଥିବା ସୂଚନା ମିଳିଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
