ଭୁବନେଶ୍ବର: ଗଞ୍ଜାମ ବସ ଟ୍ରାଜେଡିକୁ ନେଇ କିଏ ସତ କହୁଛି ? ଶକ୍ତି ମନ୍ତ୍ରୀ ନା ପରିବହନ ମନ୍ତ୍ରୀ, ତାକୁ ନେଇ ଏବେ ଉଠୁଛି ପ୍ରଶ୍ନ ? ଘଟଣାର ଗୋଟିଏ ଦିନ ପରେ ଶକ୍ତିମନ୍ତ୍ରୀ କହିଥିଲେ କାର୍ଯ୍ୟରେ ଅବହେଳା ପାଇଁ 2ଟି ବିଭାଗର 4 ଜଣ ଯନ୍ତ୍ରୀଙ୍କୁ ନିଳମ୍ବନ କରାଯାଇଛି । ଏହାସହ ତଦନ୍ତ ଜାରି ରହିଛି ।
କିନ୍ତୁ ମଙ୍ଗଳବାର ବିଧାନସଭାରେ ପରିବହନ ମନ୍ତ୍ରୀ ପଦ୍ମନାଭ ବେହେରା କହିଛନ୍ତି ଘଟଣା ଦୁର୍ଭାଗ୍ୟପୂର୍ଣ୍ଣ । 2ଟି ବିଭାଗର 3 ଜଣ ଯନ୍ତ୍ରୀଙ୍କୁ ନିଳମ୍ବିତ କରାଯାଇଛି । ଏହାସହ ମନ୍ତ୍ରୀ ଆହୁରି କହିଛନ୍ତି ଯେଉଁଠି ଘଟଣା ଘଟିଛି ସେହି ସ୍ଥାନରେ ବିଦ୍ୟୁତ ତାର ତଳିଆ ଥିଲା । 12 ଫୁଟରୁ ତଳେ ଥିଲା । ଏହା ଜାଣି ସୁଦ୍ଧା ଡ୍ରାଇଭର ସେହି ରାସ୍ତାଦେଇ ବସ ନେଇକି ଗଲେ । ଫଳରେ ଏହି ଦୁଃଖଦ ଘଟଣା ଘଟିଲା ।
ଅର୍ଥାତ ପରିବହନ ମନ୍ତ୍ରୀଙ୍କ ହିସାବରେ 3 ଜଣ ଓ ଶକ୍ତିମନ୍ତ୍ରୀଙ୍କ କହିବା ଅନୁସାରେ 4 ଜଣ ଦୁଇଟି ବିଭାଗର 4 ଜଣ ଅଧିକରୀଙ୍କୁ ନିଳମ୍ବିତ କରାଯାଇଛି । ତେବେ ପ୍ରଶ୍ନ ଉଠୁଛି ପ୍ରକୃତରେ କେତେ ଜଣ ଅଧିକାରୀ ନିଳମ୍ବିତ ହୋଇଛନ୍ତି ? 3 ନା 4 । ସତ କିଏ କହୁଛି ଶକ୍ତି ମନ୍ତ୍ରୀ ନା ପରିବହନ ମନ୍ତ୍ରୀ । ନା ବିଭାଗ ବିଭାଗ ମଧ୍ୟରେ ତାଳମେଳ ନାହିଁ ?
ବ୍ୟୁରୋ ରିପୋର୍ଟ, ଇଟିଭି ଭାରତ
