ଭୁବନେଶ୍ବର: ଲକଡାଉନ ପରେ କୋହଳ ହୋଇଛି କୋରୋନା କଟକଣା । ରାଜଧାନୀ ରାଜରାସ୍ତାରେ ଧିରେ ଧିରେ ଗଢୁଛି ଛୋଟ ଠୁ ବଡ ଗାଡି । ଆଉ ଗାଡି ଚଳାଚଳ ସ୍ବଭାବିକ୍ ହେବା ସହ ବଢୁଛି ଶବ୍ଦ ପ୍ରଦୂଷଣ ।
ଧିରେ ଧିରେ ଅସହ୍ୟ ହେଉଛି ଗାଡିମୋଟର ସ୍ବର । ଅସ୍ତବ୍ୟସ୍ତ କରୁଛି ପେଁ ପେଁ ଶବ୍ଦ । ନିର୍ଦ୍ଧିଷ୍ଟ ପରିଧି ଠାରୁ ଅଧିକରୁ ଅଧିକ ତୀବ୍ରତର ହୋଉଛି ଗାଡିମଟରର ଶବ୍ଦ । ଫଳରେ ବଡୁଛି ଶବ୍ଦ ପ୍ରଦୂଷଣ । ନିୟମ ଅନୁସାରେ ୮୦ ଡେସିମଲ ହେଉଛି ମଣିଷ କାନ ପାଇଁ ସହ୍ୟ ହେଲା ପରି ଶବ୍ଦର ତୀବ୍ରତା । ଏହାଠାରୁ ଅଧିକ ହେଲେ ଆରମ୍ଭ ହୋଇଯାଏ ଶବ୍ଦ ପ୍ରଦୂଷଣ ।
ତେବେ ଶବ୍ଦ ପ୍ରଦୂଷଣ ପାଇଁ ଆଜିର ମଣିଷ ଜାଣିଶୁଣି ମଧ୍ୟ ଦାୟୀ ରହୁଛି । କେନ୍ଦ୍ରିୟ ରାସ୍ତା ନିରାପତ୍ତା ପରିଷଦର ପୂର୍ବତନ ସଦସ୍ୟ ସୟଦ ମକବଲ ଅଲ୍ଲୀଙ୍କ କହିବା ଅନୁସାରେ ଆଜିକାଲି ଷ୍ଟାଇଲ ପାଇଁ ଯୁବ ଗୋଷ୍ଠୀ ବାଇକରେ ଲଗାଉଛନ୍ତି ମଡିଫାଏଡ ସାଇଲେନ୍ସର । ଯାହାର ଅତ୍ୟାଧିକ ଶବ୍ଦ ପାଇଁ ମଧ୍ୟ ଶବ୍ଦ ପ୍ରଦୂଷଣ ମାତ୍ରା ବଢିବାରେ ଲାଗିଛି ।
ସେପଟେ ଏଭଳି ଶବ୍ଦ ପ୍ରଦୁଷଣକୁ ରୋକିବା ପାଇଁ କମିଶନରେଟ ପୋଲିସ ପକ୍ଷରୁ ନିଆଯାଇଥଛି ଦୃଢ ପଦକ୍ଷପ । ଏଭଳି ସାଇଲେନ୍ସର ଲଗାଉଥିବା ବ୍ୟକ୍ତିଙ୍କଠାରୁ ମୋଟା ଆକାରରେ ଫାଇନ ଆଦାୟ କରାଯାଉଛି । ଏଥି ସହିତ ଟ୍ରାଫିକ ସିଗନାଲରେ ବଢୁଥିବା ହର୍ଣ୍ଣ ଶବ୍ଦ କଣ୍ଟ୍ରୋଲ କରିବାକୁ ଡେସିମଲ ମିଟର ଲଗାଇବାକୁ ଯୋଜନା କରାଯାଉଥିବା କହିଛନ୍ତି ଟ୍ରାଫିକ୍ ଡିସିପି ସାଗରିକା ନାଥ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
