ଭୁବନେଶ୍ବର: ଆସନ୍ତାକାଲି(ମଙ୍ଗଳବାର) ରାଜ୍ୟର କୋଭିଡ଼ ସ୍ଥିତିର ସମୀକ୍ଷା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନୟକ । ସାମ୍ପ୍ରତିକ ରାଜ୍ୟର କୋଭିଡ଼ର ସ୍ଥିତିର ସମୀକ୍ଷା କରିବେ ମୁଖ୍ୟମନ୍ତ୍ରୀ । ଅପରାହ୍ନରେ ଭିସି ଜରିଆରେ ନବୀନ ନିବାସରୁ ମୁଖ୍ୟମନ୍ତ୍ରୀ କୋଭିଡ଼ର ସମୀକ୍ଷା କରିବେ ବୋଲି ଜଣାପଡ଼ିଛି ।
ଏହା ବି ପଢନ୍ତୁ: Odisha Corona: ଦିନକରେ ୭୨୯୧ ପଜିଟିଭ ଚିହ୍ନଟ
ରାଜ୍ୟରେ ଜାରି ରହିଛି ତୃତୀୟ ଲହର । ଏହାସହ ଗୋଷ୍ଠୀ ସଂକ୍ରମଣ ରାଜ୍ୟରେ ଆରମ୍ଭ ହୋଇଥିବା ସ୍ବାସ୍ଥ୍ୟ ବିଭାଗ କହିଛି । ବିଭିନ୍ନ ଦେଶରେ ନୂଆ କୋଭିଡ଼ ଭାରିଏଣ୍ଟ ଚିହ୍ନଟ ହେଉଛି । ଏହାକୁ ଦୃଷ୍ଟିରେ ରଖି ଆସନ୍ତାକାଲି କୋଭିଡ଼ ସମୀକ୍ଷା ବହୁ ଗୁରୁତ୍ବ ରଖୁଛି । ରାଜ୍ୟରେ ସଂକ୍ରମଣ ହାର କମିଥିଲେ ବି ଚିନ୍ତା ଯାଇନାହିଁ । ଏହା ସହ ଆସନ୍ତା 2 ଦିନ ମଧ୍ୟରେ ରାଜ୍ୟରେ ପଞ୍ଚାୟତ ନିର୍ବାଚନ ନେଇ ବିଧିବଦ୍ଧ ପ୍ରଚାର ଆରମ୍ଭ ହୋଇଯିବ । ତେଣୁ ସଂକ୍ରମଣ ପୁନର୍ବାର ବଢିବାର ସମ୍ଭାବନା ରହିଛି ।
