ହାଇଦ୍ରାବାଦ: ସମଗ୍ର ବିଶ୍ବର ସୃଷ୍ଟି କର୍ତ୍ତା ବିଶ୍ବକର୍ମା । ପ୍ରଭୁ ବ୍ରହ୍ମାଙ୍କ ଅଂଶ ହେଉଛନ୍ତି ବିଶ୍ବକର୍ମା । କଳା, ସ୍ଥାପତ୍ୟ, ଭାସ୍କର୍ଯ୍ୟ ଓ ନିର୍ମାଣର ସେ ଦେବତା । ଆଜି ସେହି ବିମାନ ରଥ, ଆୟୁଧ ଓ ଅସ୍ତ୍ରର ନିର୍ମାଣକର୍ତ୍ତାଙ୍କ ଚରାଣାରବିନ୍ଦରେ ଭକ୍ତିପୂତ ପୂଜାର୍ଚ୍ଚନା କରୁଛନ୍ତି ସାରା ଭାରତ ।
ଆଜି ସବୁଠି ପୂଜା ପାଉଛନ୍ତି ବିଶ୍ବକର୍ତ୍ତା ବିଶ୍ବକର୍ମା । ଦେବଶିଳ୍ପୀ ବିଶ୍ବକର୍ମା ସମସ୍ତ ଶିଳ୍ପ ଓ ଶିଳ୍ପୀଙ୍କ କୁଳଦେବତା ବିଭିନ୍ନ ସ୍ଥାନରେ ସୃଷ୍ଟିକର୍ତ୍ତାଙ୍କୁ ପୂଜା କରାଯିବା ସହ ଶିଳ୍ପର ବିକାଶ ପ୍ରାର୍ଥନା ଚାଲିଛି । ଭୁବନେଶ୍ବର, ରାଉରକେଲା, ତାଳଚେର, ପାରାଦ୍ବୀପ ଓ ଅନୁଗୋଳ ସମେତ ବିଭିନ୍ନ ସହରରେ ବିଶ୍ବକର୍ମା ପୂଜା ଆରମ୍ଭ ହୋଇଯାଇଛି ।
ବିଶ୍ବକର୍ମା ହେଉଛନ୍ତି ବୈଦିକ ଦେବତା । ଋଗବେଦ ଅନୁସାରେ ବିଶ୍ବକର୍ମା ହେଉଛନ୍ତି ବିଶ୍ବର ଦୈବୀଯନ୍ତ୍ରୀ । ଉପନିଷେଦ ଅନୁୟାୟୀ ‘ବ୍ରାହ୍ମଣ’ ଏବଂ ‘ପୁରୁଷ’ ଚିନ୍ତାଧାରାର ପ୍ରବର୍ତ୍ତକ ମଧ୍ୟ ହେଉଛନ୍ତି ବିଶ୍ବକର୍ମା ।
