ଭୁବନେଶ୍ବର: ରାଜ୍ୟରେ କ୍ରମଶଃ କୋରୋନାର ଦୈନିକ ସଂକ୍ରମଣ ହ୍ରାସ ପାଇଥିବା ବେଳେ ମୃତ୍ୟୁ ସଂଖ୍ୟାରେ ମଧ୍ୟ ବ୍ରେକ ଲାଗିଛି । ଗତ କିଛି ଦିନର ମୃତ୍ୟୁ ରିପୋର୍ଟ ଲୋକଙ୍କୁ ଆଶ୍ବସ୍ତି ଦେଇଛି । ଗତକାଲି ରାଜ୍ୟରେ ୫ଜଣ କୋରୋନା ସଂକ୍ରମିତ ପ୍ରାଣ ହରାଇଥିବା ବେଳେ ଆଜି ୨୪ଘଣ୍ଟା ମଧ୍ୟରେ ୫ଜଣଙ୍କ ମୁଣ୍ଡ ନେଇଛି ମହାମାରୀ । ମୃତକଙ୍କ ମଧ୍ୟରୁ ନବରଙ୍ଗପୁରରୁ ୨ଜଣ ହୋଇଥିବା ବେଳେ ସୁନ୍ଦରଗଡରୁ ୩ଜଣଙ୍କର ମୃତ୍ୟୁ ହୋଇଛି । ଏହାକୁ ମିଶାଇ ରାଜ୍ୟରେ ମୋଟ କୋରୋନା ଜନିତ ମୃତ୍ୟୁ ସଂଖ୍ୟା ୮ ହଜାର ୧୮୦ରେ ପହଞ୍ଚିଛି ।
ସେହିପରି ଆଜି ରାଜ୍ୟରେ ୪୪୪ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଏହାକୁ ମିଶାଇ ରାଜ୍ୟରେ ମୋଟ କୋରୋନା ସଂକ୍ରମିତଙ୍କ ସଂଖ୍ୟା ୧୦ ଲକ୍ଷ ୨୪ ହଜାର ୭୬୪ରେ ପହଞ୍ଚିଛି । ରାଜ୍ୟରେ ଏବେ ୧୦ଲକ୍ଷ ୧୦ ହଜାର ୮୨୯ ଜଣ ମୋଟ ସୁସ୍ଥ ହୋଇଥିବା ବେଳେ ୫ହଜାର ୭୦୨ ଆକ୍ଟିଭ କେସ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
