ଭୁବନେଶ୍ବର: ରାଜ୍ୟରେ ବାସ କରୁଥିବା ତିବ୍ଦତୀୟଙ୍କୁ ମଧ୍ୟ ଦିଆଯିବ ଦ୍ବିତୀୟ ଡୋଜ୍ କୋଭିଡ ଟୀକା । ଏନେଇ ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି । ମହାମାରୀ କୋରୋନା ବିରୋଧରେ ସଂଗ୍ରାମ ବିଜୟୀ ହେବାକୁ ଦେଶରେ ପ୍ରତ୍ୟେକଙ୍କୁ କୋଭିଡ ଟିକା ନେବାକୁ ପରାମର୍ଶ ଦେଉଛନ୍ତି ଉଭୟ କେନ୍ଦ୍ର ସ୍ବାସ୍ଥ୍ୟମନ୍ତ୍ରାଳୟ ଓ ରାଜ୍ୟ ସ୍ବାସ୍ଥ୍ୟ ବିଭାଗ । ଏହି ପରିପ୍ରେକ୍ଷୀରେ ରାଜ୍ୟରେ ବାସ କରୁଥିବା ତିବ୍ଦତୀୟଙ୍କୁ ମଧ୍ୟ ଟୀକାକରଣରେ ସାମିଲ କରିବା ପାଇଁ ନିଷ୍ପତ୍ତି ହୋଇଛି ।
କୋଭିଡ ଗାଇଡଲାଇନ ଅନୁଯାୟୀ ଠିକ୍ ଭାବରେ ଦ୍ୱିତୀୟ ଡୋଜ ଟୀକାକରଣ ନିଶ୍ଚିତ କରିବାକୁ ବିଭାଗୀୟ ଅଧିକାରୀଙ୍କୁ ଚିଠି ମାଧ୍ୟମରେ ନିର୍ଦ୍ଦେଶ ଦିଆଯାଇଛି । ରାଜ୍ୟରେ କୋରୋନା ସଂକ୍ରମିତଙ୍କ ସଂଖ୍ୟା କମିବାରେ ଲାଗିଛି । ତେବେ ରାଜ୍ୟରେ ମୃତ୍ୟୁସଂଖ୍ୟାରେ ବ୍ରେକ୍ ଲାଗୁନାହିଁ । ଯାହାକୁ ନେଇ ଚିନ୍ତାରେ ରହିଛି ପ୍ରଶାସନ । ସେପଟେ ବୁଧବାର ୮୪୫ ଜଣ କୋରୋନାରୁ ସୁସ୍ଥ ହୋଇ ଘରକୁ ଫେରିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
