ଭୁବନେଶ୍ବର: ଗତକାଲିଠୁ(ସୋମବାର) 15 ରୁ 18 ବର୍ଷ ବୟସ୍କଙ୍କୁ ଟୀକାକରଣ ଆରମ୍ଭ ହୋଇଛି। ଅନଲାଇନରେ ଏବଂ ଅନ ସ୍ପଟରେ 80 ହଜାର 129 ଜଣ କିଶୋର ଟିକା ନେଇଛନ୍ତି । 939 ସ୍ବତନ୍ତ୍ର ଟୀକାକରଣ କେନ୍ଦ୍ରରେ ଟୀକାକାରଣ ଚାଲିଛି । ଏହାଛଡ଼ା କିଶୋରଙ୍କ ପାଇଁ ଆଉ 945ଟି ସ୍ଵତନ୍ତ୍ର ଟୀକାକରଣ କେନ୍ଦ୍ର ହେବ। ତେବେ ଟିକାର ଫାଷ୍ଟ ଡୋଜ ନେବା ପାଇଁ 31 ଲକ୍ଷ ହିତାଧିକାରୀ ବାକି ଅଛନ୍ତି । ଏନେଇ ସୂଚନା ଦେଇଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ।
କିଶୋରଙ୍କ ପାଇଁ 945 ଟି ସ୍ଵତନ୍ତ୍ର କେନ୍ଦ୍ରରେ ହେବ ଟୀକାକାରଣ
ଏପଟେ ୟୁନିଟ-1 ସରକାରୀ ସ୍କୁଲର ପ୍ରଧାନଶିକ୍ଷୟିତ୍ରୀ ସୁଶ୍ରୀ ସଙ୍ଗୀତା ପଣ୍ଡା କହିଛନ୍ତି ଯେ ଶିକ୍ଷା ଓ ସ୍ବାସ୍ଥ୍ୟ ବିଭାଗକୁ 15 ରୁ18 ବର୍ଷର ପିଲାଙ୍କର ତଥ୍ୟ ଦିଆହେଇଛି। ଯଦି ସ୍ବାସ୍ଥ୍ୟ ବିଭାଗରେ ସ୍କୁଲରେ ଟୀକାକାରଣ ପାଇଁ କ୍ୟାମ୍ପ ହୁଏ, ତେବେ ଅନେକ ପିଲା ମଧ୍ୟ ଉପକୃତ ହେବେ ବୋଲି ସୁଶ୍ରୀ ସଙ୍ଗୀତା କହିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
