ଭୁବନେଶ୍ବର: କୋରୋନା ମହାମାରୀକୁ ଦୃଷ୍ଟିରେ ରଖି ସରକାର ପିଲାଙ୍କ ଭବିଷ୍ୟତ ପାଇଁ ଅନଲାଇନ କ୍ଲାସ କରିବାକୁ ନିଷ୍ପତ୍ତି ନେଲେ । କିନ୍ତୁ ଏହି ଅନଲାଇନ କ୍ଲାସରେ କେତେ ପିଲା ଉପକୃତ ହୋଇଛନ୍ତି ।
ରାଜ୍ୟରେ ମୋଟ ଆକାରରେ ସ୍କୁଲ କଲେଜ ଓ ବିଶ୍ୱବିଦ୍ୟାଳୟରେ 2 ଲକ୍ଷ 80 ହଜାର ଶିକ୍ଷକ ଓ ଶିକ୍ଷୟତ୍ରୀ ରହିଛନ୍ତି। ପ୍ରାଥମିକ ସ୍କୁଲରେ 1 ଲକ୍ଷ 30 ହଜାର। ସେକେଣ୍ଡାରି ସ୍କୁଲରେ 70 ରୁ 80 ହଜାର ଶିକ୍ଷକ, ଯୁକ୍ତ ଦୁଇ ଓ ତିନି ରେ 25 ହଜାରରୁ ଉର୍ଦ୍ଧ ଶିକ୍ଷକ ରହିଥିବା ବେଳେ ବିଶ୍ୱବିଦ୍ୟାଳୟ, ସଂସ୍କୃତ ବିଶ୍ୱବିଦ୍ୟାଳୟ, ମାଦ୍ରସା ଓ ଏକଲବ୍ୟ ହାଇସ୍କୁଲରରେ 45 ହଜାର ଶିକ୍ଷକ ଶିକ୍ଷୟତ୍ରୀ ରହିଛନ୍ତି।
ତେବେ ରାଜ୍ୟରେ 43 ହଜାର ମୋଟ ସ୍କୁଲ ରହିଛି। ସେଥିମଧ୍ୟରୁ 16 ହଜାର ପ୍ରାଥମିକ ସ୍କୁଲ, 9 ହଜାର 300 ଶହ ମୋଟ ଉଚ୍ଚ ପ୍ରାଥମିକ ସ୍କୁଲ, 8 ହଜାର 600 ସରକାରୀ ଉଚ୍ଚ ପ୍ରାଥମିକ ସ୍କୁଲ ଓ 700 ଟି ବେସରକାରୀ ଉଚ୍ଚ ପ୍ରାଥମିକ ସ୍କୁଲ ରହିଛି। ଏପଟେ ରାଜ୍ୟରେ ମୋଟ ଆକାରରେ 1500 ଟି ଯୁକ୍ତ ଦୁଇ ଓ ଯୁକ୍ତ ତିନି କଲେଜ ରହିଥିବା ବେଳେ 30 ଟି ବିଶ୍ୱବିଦ୍ୟାଳୟ ଓ ଅନ୍ୟ ସମସ୍ତ କଲେଜ ରହିଛି।
କିନ୍ତୁ କୋଭିଡକୁ ଦୃଷ୍ଟିରେ ରଖି ସରକାର ଜାରି କରିଥିବା ଅନଲାଇନ କ୍ଲାସରେ ମୋଟ 22 ରୁ 24 ପ୍ରତିଶତ ପିଲା କ୍ଳାସ କରିଛନ୍ତି।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
