ଭୁବନେଶ୍ବର: କୋରୋନା ଚିନ୍ତା ସାରା ଦେଶକୁ ଗ୍ରାସ କରିଥିବା ବେଳେ ଏବେ ତୀବ୍ରରୁ ତୀବ୍ରତର ହେବାରେ ଲାଗିଛି ଦିନର ତାପମାତ୍ରା । କୋରୋନା ପାଇଁ ସମସ୍ତେ ଘରେ ରହିବାକୁ ବାଧ୍ୟ ହେଉଥିବା ବେଳେ ଅସହ୍ୟ ଗୁଳୁଗୁଳି ସାଙ୍ଗକୁ ଦିନର ଝାଞ୍ଜି ପବନ ସମସ୍ତଙ୍କୁ ଅସ୍ତ ବ୍ୟସ୍ତ କରି ସାରିଲାଣି । ତେବେ ଏହା ଭିତରେ ସାମ୍ଭାବ୍ୟ ଅଂଶୁଘାତ ସ୍ଥିତିକୁ ମୁକାବିଲା କରିବାକୁ ଅଣ୍ଟା ଭିଡିଛନ୍ତି ସ୍ଵତନ୍ତ୍ର ରିଲିଫ କମିଶନର ।
ସବୁ ଜିଲ୍ଲାପାଳଙ୍କ ନିକଟକୁ ଚିଠି ଲେଖି ସ୍ଥିତିର ସମୀକ୍ଷା କରିବାକୁ କହିଛନ୍ତି କମିଶନର ପ୍ରଦୀପ୍ତ ଜେନା । ଏହା ସହ ଜିଲ୍ଲାର ସବୁ ଅଧିକାରୀଙ୍କ ସହିତ ବୈଠକ କରି ଆଲୋଚନା କରିବାକୁ କୁହାଯାଇଛି । ସବୁ ହସ୍ପିଟାଲରେ ପାନୀୟ ଜଳଯୋଗାଣ ନିଶ୍ଚିତ କରିବା ସହ ଯେଉଁ ଅଞ୍ଚଳରେ ଜଳ ସଙ୍କଟ ରହିଛି ସେଠାରେ ପାନୀୟ ଜଳ କେନ୍ଦ୍ର ଖୋଲାଯିବ । ସେହିଭଳି ଜଙ୍ଗଲ ଓ ଅନ୍ୟ ସ୍ଥାନରେ ବନ୍ୟପ୍ରାଣୀଙ୍କ ପାଇଁ ଜଳ ଯୋଗାଇ ଦେବାର ବ୍ୟବସ୍ଥା ହେବ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
