ଭୁବନେଶ୍ବର: ଉଦଘାଟିତ ହେଲା ଷ୍ଟେଟ ଫରେନ୍ସସିକ ଲ୍ୟାବର ନୂଆ ବିଲ୍ଡିଂ । ପୋଲିସ ଡିଜି ଅଭୟ କୁମାର ଏହାକୁ ଉଦଘାଟିତ କରିଛନ୍ତି । ଅପରାଧ ନିୟନ୍ତ୍ରଣ କ୍ଷେତ୍ରରେ ଏହା ସହାୟକ ହେବ ବୋଲି ଡିଜିପି କହିଛନ୍ତି ।
ତଦନ୍ତ ପାଇଁ ଏଠାରେ ଥିବା ଅତ୍ୟାଧୁନିକ ଯନ୍ତ୍ରପାତି ସାହାଯ୍ୟ କରିବ । ତେବେ ଏହାର ଉଦଘାଟନ ପରେ ବିଭିନ୍ନ ଟେଷ୍ଟ କରିବା ପାଇଁ ଆଉ ରାଜ୍ୟ ବାହାରକୁ ଯିବାକୁ ପଡିବନି । ନୂଆ ବିଲ୍ଡିଂକୁ ୭ଟି ବିଭାଗ ସ୍ଥାନାନ୍ତର ହୋଇଛି । ଡିଭିଜନ ଲାଏ ଡିଟେକସନ, ଫିଜିକ୍ସ, ସାଇବର ଫରେନ୍ସିକ, ବାଲିସଟିକ୍ସ, ବାୟୋଲୋଜି, ସେରଲୋଜି, କେମିଷ୍ଟ୍ରି ଲ୍ୟାବ ସ୍ଥାନାନ୍ତର ହୋଇଛି । ଏଠାରେ ଖୁବଶୀଘ୍ର ଡିଏନଏ ଓ ସାଇବର ଫରେନସିକ୍ସ ଲ୍ୟାବ ଗଠନ କରାଯିବ ।
ପୂର୍ବରୁ ଅନ୍ୟ ରାଜ୍ୟକୁ ଡିଏନଏ ଓ ସାଇବର ଫରେନସିକ ପାଇଁ ଯିବାକୁ ପଡୁଥିଲା । ତେଣୁ ସବୁ ପ୍ରକାରର ଅତ୍ୟାଧୁନିକ ଯନ୍ତ୍ରପାତିର ସୁବିଧା ରହି ଥିବାବେଳେ ଏବେ ଭୁବନେଶ୍ୱରରେ ସବୁ ଟେଷ୍ଟିଂ ସୁରୁଖୁରୁରେ କରାଯିବ ବୋଲି ପୋଲିସ ଡିଜି ଅଭୟ କହିଛନ୍ତି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
