ଭୁବନେଶ୍ବର: ତୈଳ, ରନ୍ଧନ ଗ୍ୟାସ ଓ ଅତ୍ୟାବଶ୍ୟକ ସାମଗ୍ରୀର ଦରବୃଦ୍ଧିକୁ ନେଇ ବୁଧବାର ସାଇକେଲ ଧରି ଶୋଭାଯାତ୍ରା କରିବ କଂଗ୍ରେସ । କଂଗ୍ରେସ ଭବନରୁ ଏକ ବିଶାଳ ଶୋଭାଯାତ୍ରାରେ ସହର ପରିକ୍ରମା କରିବ । ସକାଳ ୧୦ ଟାରେ କଂଗ୍ରେସ ଭବନରୁ ବାହାରି କଳ୍ପନା ଛକ, ରସୁଲଗଡ଼, ବାଣୀବିହାର ଛକ, ମାଷ୍ଟର କ୍ୟାଣ୍ଟିନ ହୋଇ କଂଗ୍ରେସ ଭବନରେ ପହଞ୍ଚିବ । ଆକାଶ ଛୁଆଁ ଦରଦାମ ବୃଦ୍ଧି ପାଇଁ ସାଧାରଣ ଲୋକ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।
ତୈଳ ଦରବୃଦ୍ଧି ପ୍ରତିବାଦରେ ଆନ୍ଦୋଳନକୁ ତୀବ୍ର କରିବାକୁ ସୁରଙ୍କ ଆହ୍ୱାନ
ତେଣୁ ଦରଦାମ ବୃଦ୍ଧି ପ୍ରତିବାଦରେ ଜନସଚେତନତା ପାଇଁ ସାଇକେଲ ଶୋଭାଯାତ୍ରାରେ ସାଧାରଣ ଲୋକଙ୍କ ପାଖକୁ ଯିବ କଂଗ୍ରେସ । ତେବେ ମଙ୍ଗଳବାର ସୁର କଂଗ୍ରେସର ଗୁମର ଖୋଲିଥିଲେ ଯେ କଂଗ୍ରେସ କର୍ମୀ ଶିଥିଳ ପଡିଯାଇଛନ୍ତି । କଂଗ୍ରେସ କର୍ମୀ ଓ ନେତାଙ୍କୁ ଆହ୍ୱାନ ଦେଇଛନ୍ତି ସୁର ଯଦି ଦଳରେ ଅଛ, ତାହେଲେ ଆସ ମିଳିମିଶି ଏ ଆନ୍ଦୋଳନକୁ ତୀବ୍ର କରିବା ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
